សម្តេចប៉ាប៖ មនុស្សវ័យក្មេងមិនត្រូវការយើងទេ ពួកគេត្រូវការព្រះជាម្ចាស់

សម្តេច​ប៉ាប ហ្វ្រង់ស៊ីស្កូបាន ជំរុញ​ឲ្យ​សាសនា​ជួយ​យុវជន​ឲ្យ​ដឹង​ពី​តម្រូវការ​ដ៏​ធំ​របស់​ពួកគេ​ចំពោះ​វត្តមានរបស់ព្រះ​ជាម្ចាស់ក្នុង​ជីវិត​របស់​ពួកគេ ។​

វ៉ាទីកង់ញូវបានរាយការណ៍ថា សម្តេចប៉ាបបានមានបន្ទូលបែបនេះ កាលពីថ្ងៃទី ២៦ ខែសីហា ឆ្នាំ២០២៤ នៅពេលដែលទ្រង់បានយាងទទួលក្រុមសាសនទូតមួយក្រុម ដែលក្រុមនេះបានបង្កើតឡើង តាំងពីឆ្នាំ១៨៧៨ ។

នាឱកាសនោះសម្តេចប៉ាបបាន​គូសបញ្ជាក់​ថា “ កាលណា​យើង​រស់នៅ​ក្នុង​វត្តមាន​របស់​ទ្រង់​កាន់តែច្រើន នោះ​យើង​កាន់តែ​មាន​សមត្ថភាព​ក្នុងការ​ជួយ​ពួកគេ​ឲ្យ​ជួប​ទ្រង់​”​។

សម្តេចប៉ាបក៏បានលើកទឹកចិត្តដល់គ្រិស្តបរិស័ទឲ្យបន្តរិះគិតនៅក្នុងការធ្វើយ៉ាងណាផ្តល់មូលដ្ឋានគ្រឹះ ជាពិសេសគឺពង្រឹងការអប់រំជំនឿឲ្យបានរឹងមាំដល់យុវជន ។

សម្តេចប៉ាបបានមានបន្ទូលបន្ថែមថា ជំនឿសំខាន់ណាស់ ហើយកាលណាជំនឿរឹងមាំគឺជាមូលដ្ឋានគ្រឹះនិងជាសរសរស្តម្ភនៃព្រះសហគមន៍នៅពេលអនាគតខាងមុខ ។​

ប្រភពដដែបានបន្តថា ក្រុម យុវជនដែលជាសម្តេចប៉ាបបានរំលឹកថា គឺជាក្រុមដែលមានសក្តានុពលដ៏អស្ចារ្យមួយសម្រាប់សេចក្តីល្អ ហើយ ឈ្លាសវៃ អត់ធ្មត់ និងករុណា ដែលជាស្នូលដ៏វិសុទ្ធនៃសកម្មភាពប្រចាំថ្ងៃរបស់គ្រិស្តបរិស័ទ ។