សម្តេចប៉ាបហ្រ្វង់ស៊ីស្កូ បានផ្ញើសារដើម្បីអបអរសាទរខួបលើកទី១០០ នៃ ព្រឹត្តិការណ៍ កីឡាមួយនៅក្នុង ប្រទេសអ៊ីតាលី ដោយសង្កត់ធ្ងន់ថា ជ័យជម្នះនិងការបរាជ័យរបស់អត្តពលិកជា «វិធីនៃការគិតនិងការរស់ហើយវាក៏ជា ទំនុកតម្កើងដល់ជីវិត»។
វ៉ាទីកង់ញូវបានរាយការណ៍ថា នៅក្នុងសារនេះ សម្តេចប៉ាបបានឆ្លុះបញ្ចាំងពីការចងចាំផ្ទាល់ខ្លួនរបស់ទ្រង់ ក្នុងការលេងបាល់ទាត់កាលទ្រង់នៅក្មេងនៅប្រទេសអាហ្សង់ទីន។
សម្តេចប៉ាបបានពិពណ៌នាអំពីកីឡានេះថា ជាបទពិសោធន៍នៃ «អារម្មណ៍នៃភាតរភាព» ពីព្រោះកីឡាបង្កើតមិត្តភាព និង ធ្វើអោយយើងជាកីឡាករ ស្គាល់គូប្រជែងនៅលើទីលាន តែពួកគេមិនមានជា សត្រូវ នៃជីវិតឡើយ ។
សម្តេចប៉ាបបានមានបន្ទូលថា កីឡាផ្តល់នូវមេរៀនក្នុងជីវិត ទាំងពេលឈ្នះនិងពេលចាញ់ ហើយ ក៏បានសង្កត់ធ្ងន់ពីតម្រូវការបន្តមានកន្លែងសុវត្ថិភាពសម្រាប់លេងកីឡា។
ព្រះវបិតាដ៏បរិសុទ្ធ បានពន្យល់ថា វាមានសារៈសំខាន់ប៉ុណ្ណាក្នុងការមាន “មនុស្សពេញវ័យដែលស្វាគមន៍យ៉ាងស្មោះស្ម័គ្រចំពោះកុមារ និងយុវជន ដែលស្តាប់តាមសុបិនរបស់ពួកគេ ហើយប្រាថ្នាចង់បានអនាគតដ៏ប្រសើរ ។
សម្តេចប៉ាបបានមានបន្ទូលថា ៖ «កីឡាធ្វើឱ្យមនុស្សអាច រួបរួមគ្នា មានអារម្មណ៍ថា ពួកគេជាផ្នែកមួយនៃគ្រួសារតែមួយ និងគ្រួសារនៃប្រជាជាតិមួយ»៕
Daily Program
