សម្តេចប៉ាបឡេអូ៖ ព្រះសហគមន៍ត្រូវតែស្តារ ទំនុកចិត្តលើបច្ចេកវិទ្យា ហើយ ណែនាំមនុស្សឱ្យទៅរកព្រះគ្រីស្ត
សម្តេចប៉ាបឡេអូ ទី១៤ បានជួបជាមួយអ្នកចូលរួមនៅថ្ងៃសុក្រកន្លងទៅនៅក្នុងសន្និសីទអន្តរជាតិស្តីពីបញ្ញាសិប្បនិម្មិត ក្រោមមូលបទថា «ការរក្សាមុខមាត់ និងសំឡេងរបស់មនុស្ស»។
ព្រឹត្តិការណ៍រយៈពេលមួយថ្ងៃនេះត្រូវបានរៀបចំដោយ គណកម្មការប្រព័ន្ធផ្សព្វផ្សាយព្រះសហគមន៍កាតូលិក និង គណកម្មាធិការអប់រំនិងវប្បធម៌ ដោយបានប្រមូលផ្តុំអ្នកជំនាញក្នុងវិស័យ AI ការអប់រំ និងទេវវិទ្យា ដើម្បីស្វែងយល់ពីសាររបស់សម្តេចប៉ាបសម្រាប់ទិវាទំនាក់ទំនងពិភពលោកឆ្នាំនេះ។
នៅក្នុងសុន្ទរកថារបស់ព្រះអង្គ សម្តេចប៉ាប ឡេអូ បានគាំទ្រការចូលរួមរបស់ព្រះសហគមន៍ក្នុងការបង្កើតវឌ្ឍនភាពនៃបច្ចេកវិទ្យាឌីជីថល ខណៈពេលដែលជួយអប់រំមនុស្សឱ្យប្រើប្រាស់វាដោយឈ្លាសវៃ។
សម្តេចប៉ាបឡេអូបានមានបន្ទូលថា តាមស្មារតីនៃក្រុមប្រឹក្សាវ៉ាទីកង់ទីពីរស្តីពីប្រព័ន្ធផ្សព្វផ្សាយ បានរំលឹកថា ព្រះសហគមន៍ត្រូវបានបង្កើតឡើងដោយព្រះគ្រីស្ទ ដើម្បីនាំមកនូវសេចក្តីសង្គ្រោះដល់មនុស្សគ្រប់គ្នាតាមរយៈដំណឹងល្អ ដោយប្រើប្រាស់មធ្យោបាយដែលមាននៅក្នុងដៃរបស់ព្រះសហគមន៍នីមួយៗ។
សម្តេចប៉ាបឡេអូបានមានបន្ទូល ថា “បំណងប្រាថ្នាសំខាន់របស់ មនុស្សគ្រប់គ្នា គឺការទទួលបានការសង្គ្រោះ និងដើម្បី ទទួលបាននូវសេចក្ដីពិត” ដូច្នេះត្រូវតែជូនដំណឹងមិនត្រឹមតែការសម្រេចចិត្ត និងសកម្មភាពរបស់យើងប៉ុណ្ណោះទេ ប៉ុន្តែក៏ត្រូវជូនដំណឹងអំពីការប្រើប្រាស់ និងទិសដៅដែលបានផ្ដល់ឱ្យប្រព័ន្ធផ្សព្វផ្សាយ បច្ចេកវិទ្យាឌីជីថល និងបញ្ញាសិប្បនិម្មិត ដើម្បីធានាថាឧបករណ៍ទាំងនេះត្រូវបានដាក់នៅក្នុងការបម្រើមនុស្សជាតិដ៏ពិតប្រាកដ។
សម្តេចប៉ាបឡេអូបានកត់សម្គាល់ថា ការអនុវត្តបច្ចេកវិទ្យាដោយគ្មានការទប់ទល់ដោយចំណាយលើសេចក្ដីថ្លៃថ្នូររបស់មនុស្សវាពិតជានឹងធ្វើឲ្យឧបករណ៍ទាំងនោះទៅជាឧបករណ៍នៃការ កេងប្រវ័ញ្ចលើទំនាក់ទំនងរបស់មនុស្សទៅវិញ។
សម្តេចប៉ាបឡេអូ បានជំរុញឱ្យព្រះសហគមន៍ជួយមនុស្សឱ្យរកឃើញឡើងវិញនូវ អត្ថន័យពិត និងភាពអស្ចារ្យនៃមនុស្សជាតិដូចដែលព្រះជាម្ចាស់បានគ្រោងទុក។
សម្តេចប៉ាបឡេអូបានបន្ថែមថា បញ្ហាប្រឈមដែលមនុស្សជាតិកំពុងប្រឈមមុខមិនមែនជាបច្ចេកវិទ្យាទេ ប៉ុន្តែជាមនុស្សសាស្ត្រ ព្រោះវាកាត់បន្ថយអត្ថន័យនៃការធ្វើជាមនុស្ស។
សម្តេចប៉ាបបានមានប្រសាសន៍ថា ជាពិសេសយុវជនមានការបើកចំហចំពោះសេចក្ដីពិតនេះ និងចង់ស្វែងរកអត្ថន័យនៃជីវិតដូច្នេះ យើងត្រូវជួយពួកគេឲ្យជួបនឹងព្រះគ្រីស្ទ និងបង្រៀនពួកគេឲ្យបញ្ចូលការប្រើប្រាស់បច្ចេកវិទ្យាទៅក្នុងរបៀបរស់នៅជាគ្រិស្តបរិស័ទ ដ៏ពេញលេញ។
Daily Program
