សម្តេចប៉ាបឡេអូទី១៤ទទួលជួបពិភាក្សាជមួយនឹងប្រធានក្រុមអន្តរសភាលោកអភិបាលព្រះសហគមន៍នីការ៉ាហ្គ័រ

កាលពីចុងសប្តាហ៍កន្លងទៅសម្តេចប៉ាបឡេអូទី១៤ បានយាងទទួលសាវនាការជាមួយនឹងលោកអភិបាល កាឡូស អេនរិក​ ហេរីរ៉ា ហ្គូទ្យែរ៉េ (Carlos Enrique Herrera Gutiérrez) ប្រធានក្រុមអន្តរសភាលោកអភិបាលព្រះសហគមន៍កាតូលិកនៅប្រទេសនីការ៉ាហ្គ័រ  ដែលត្រូវបានអាជ្ញាធរនិរទេស ចេញពីពីប្រទេស។​

នាឱកាសនោះ ទីភ្នាក់ងារព័ត៌មានកាតូលិកបានរាយការណ៍ថា សម្តេចប៉ាបឡេអូបានស្តាប់អំពីស្ថានភាពដែលកំពុងតែកើតមាននៅប្រទេស​នីការ៉ាហ្គួរ ដែលកំពុងតែដឹកនាំដោយលោក ដានីញែល អ័តេហ្គា (Daniel Ortega)។

គួររំលឹកថា លោក អភិបាល ត្រូវបានអាជ្ញាធរនៅក្នុងប្រទេសនេះចាប់ឃុំឃាំងនៅក្នុងវិហារ  ហើយក្រោយមកក៏បានត្រូវអាជ្ញាធរនិរទេសលោកចេញពីប្រទេស បន្ទាប់ពីលោករិះគន់ដល់ដំណើរការគ្រប់គ្រងរបស់ប្រទេស។

នៅពេលបច្ចុប្បនេះ នីការ៉ាហ្គ័រមានអភិបាលព្រះសហគមន៍ ៩ រូប ប៉ុន្តែសព្វថ្ងៃនេះមានអភិបាល៤ រូបហើយ ដែលត្រូវបាននិរទេស ហើយខ្លះមានរហូតដល់ដកសញ្ជាតិថែមទៀត៕​