នៅក្នុងទូរសាដែលរៀបចំឡើងសម្រាប់ទិវាយុវជនពិភពលោកលើកទី៤០ សម្តេចប៉ាបឡេអូទី១៤ បានរំលឹកយុវជនកាតូលិកថា ក្នុងនាមជាគ្រីស្តបរិស័ទពួកគេមានទំនួលខុសត្រូវក្នុងការឈរជាមួយអ្នកដែលរងទុក្ខនិងក្លាយជាស្ថាបត្យករសកម្មនៃសន្តិភាព។
វ៉ាទីកង់ញូវបានរាយការណ៍ថា សម្តេចប៉ាបឡេអូបានឲ្យយុវជនចងមិត្តជាមួយព្រះយេស៊ូ ដើម្បីទទួលព្រះអំណោយទានមួយ និងការប្តេជ្ញាចិត្ត ក្លាយជាអ្នកកសាងសង្គមដោយសន្តិភាពនិងភាតរភាព។
សម្តេចប៉ាបឡេអូបានមានបន្ទូលថា នៅពេលដែលយើងកំពុងតែរស់នៅក្នុងតំបន់ផាសុខភាព ប៉ុន្តែសូមយើងកុំភ្លេចមិត្តភក្តិរបស់យើងដែលកំពុងប្រឈមនឹងអំពើហិង្សា ដោយអាវុធ បែកពីមនុស្សជាទីស្រឡាញ់ ហើយបង្ខំឲ្យធ្វើចំណាកស្រុក ឬភៀសខ្លួន។
សម្តេចឡេអូបានជំរុញយុវវ័យឱ្យយកឈ្នះលើភាពព្រងើយកន្តើយ និងភាពខ្ជិលច្រអូសខាងវិញ្ញាណ ហើយខិតខំប្រឹងប្រែងដើម្បីបណ្តុះចំណងមិត្តភាព និងភាតរភាព ដោយធ្វើការរួមគ្នាដើម្បីកសាងជីវភាពថ្មីសម្រាប់ទាំងអស់គ្នា។
សម្តេចប៉ាបឡេអូបានលើកទឹកចិត្តថា ចូរធ្វើផែនការដើម្បីលុបបំបាត់វិសមភាព និងផ្សះផ្សាសហគមន៍ដែលបែកបាក់គ្នា និងរងការគាបសង្កត់៕
Daily Program
