សម្តេចប៉ាបសាកសួរសុខទុក្ខព្រះសហគមន៍កាតូលិកនៅហ្គាហ្សា

ដោយសារស្ថានភាពសុខភាពរបស់ទ្រង់នៅតែមានស្ថេរភាពដោយគ្មានសញ្ញាផ្លូវដង្ហើមស្រួចស្រាវថ្មី សម្តេចប៉ាប ហ្វ្រង់ស៊ីស្កូ បានទំនាក់ទំនងសាកសួរសុខទុក្ខបងប្អូនព្រះសហគមន៍កាតូលិកនៅហ្គាហ្សា ហើយបានបំពេញការងារជាច្រើន។

ការិយាល័យព័ត៌មានសន្តអាសនៈ បានចេញផ្សាយសេចក្តីថ្លែងការណ៍កាលពី នៅល្ងាចថ្ងៃពុធថា ស្ថានភាពសុខភាពសម្តេចប៉ាបមានស្ថេរភាពច្រើន។

ប្រភពដដែលបានប្រកាសថា សុខភាពសម្តេចប៉ាប​នៅ​មាន​ស្ថិរភាព​នៅ​ថ្ងៃ​នេះ​ ​ទ្រង់មិនរងសំពាធនៃ​ជំងឺ​ផ្លូវដង្ហើម​ណាមួយ​ឡើយ ប៉ុន្តែទោះបីជាយ៉ាងណាក៏ដោយក៏ទ្រង់នៅតែបន្តប្រើប្រាស់អុកស៊ីសែនដដែល ។

ប្រភពដដែលបានបន្តថា សម្តេចប៉ាបត្រូវបានក្រុមវេជ្ជបណ្ឌិតស្នើឲ្យទ្រង់បង្កើនការដកដង្ហើម និងព្យាបាលដោយចលនា ហើយទ្រង់អាច ចំណាយពេលពេញមួយថ្ងៃនៅលើកៅអីរបស់ទ្រង់។

ដោយសារតែស្ថានភាពសុខភាពហាក់ប្រសើរជាសព្វដង ទ្រង់អាចធ្វើសកម្មភាពផ្សេងៗដូចជាអធិដ្ឋាន និង កិច្ចការមួយចំនួនរបស់ព្រះសហគមន៍ ។

សម្តេចប៉ាបបានយាងចូលមន្ទីរពេទ្យតាំងតែពីថ្ងៃទី ១៤ ខែកុម្ភៈ ឆ្នាំ២០២៥ មក ដោយសារតែបញ្ហាសួតរបស់ទ្រង់ ។