សម្តេចប៉ាប ឡេអូទី១៤បានយាង ជួបសំណេះសំណាល ជាមួយនឹងគ្រីស្តបរិស័ទ កាតូលិកមកពីប្រទេសឥណ្ឌូណេស៊ី ដែលរស់នៅក្នុងទីក្រុងរ៉ូម ដើម្បីប្រារព្ធខួបលើកទី ១នៃការធ្វើដំណើររបស់សម្តេចប៉ាប ហ្រ្វង់ស៊ីស្កូទៅកាន់ប្រទេសឥណ្ឌូនេស៊ី និងខួបលើកទី៧៥ នៃការបង្កើតទំនាក់ទំនងការទូតរវាង សន្តអាសនៈនិងឥណ្ឌូនេស៊ី។
នៅក្នុងសុន្ទរកថាដែលបានធ្វើនាពេលថ្មីៗនេះ សម្តេចប៉ាបឡេអូបានរំលឹកថា សន្តអាសនៈបានបោះជំហាន ជាមួយប្រជាជាតិមួយនេះនៅអាស៊ីអាគ្នេយ៍ចាប់តាំងពីទទួលបានឯករាជ្យ។
សម្តេចប៉ាបឡេអូបានមានបន្ទូលបន្តថា ចំណងមិត្តភាពទាំងនោះត្រូវបានកសាងឡើងដោយការគោរព ការសន្ទនា និងការប្ដេជ្ញាចិត្តរួមដើម្បីសន្តិភាព និងភាពសុខដុមនីយកម្ម។
សម្តេចប៉ាប ឡេអូ បានរំឭកពីដំណើរទស្សនកិច្ចរបស់សម្តេចប៉ាប ហ្វ្រង់ស៊ីស្កូ ទៅកាន់ប្រទេសឥណ្ឌូណេស៊ី ថាជាដំណើរទស្សនកិច្ចដ៏ពិសេសមួយដែលធ្វើឲ្យចំណងមិត្តភាពកាន់តែស៊ីជម្រៅ៕
Daily Program
