សម្តេចប៉ាបយាងទស្សនាកំសាន្តជាមួយនឹងក្រុមសៀកនៅទីក្រុងរ៉ូម

សម្តេចប៉ាបហ្រ្វង់ស៊ីស្កូត្រូវបានវ៉ាទីកង់ញូវរាយការណ៍ថា ទ្រង់បានយាងទស្សនៈកិច្ចនិងកំសាន្តរីករាយជាមួយនឹងកម្មវិធីសំដែងសៀកនៅមជ្ឈមណ្ឌលកំសាន្តមួយកាលពីរសៀលចុងខែកក្កដា ឆ្នាំ២០២៤  នៅភាគនិរតីនៃទីក្រុងរ៉ូម។​

ប្រភពដដែលបានរាយការណ៍ថា នៅទីនោះសម្តេចប៉ាប បានយាងជួបជាមួយកម្មករកម្មការនី និងក្រុមសិល្បៈករសំដែងសៀក ដែលរស់នៅទីនោះ ។

ប្រភពដដែលបានបន្តថា ដំណើរទស្សនៈកិច្ចនេះបានកើតមានឡើងនៅក្នុងអំឡុងពេលដែលទ្រង់កំពុងតែជិតបញ្ចប់កម្មវិធី សម្រាក វិស្សមកាលរដូវក្តៅប្រចាំខែខែកក្កដា របស់ទ្រង់ ។​

ប្រភពដដែលបានបន្តថា នៅពេលមួយរសៀលថ្ងៃនោះសម្តេចប៉ាបបានយាងសួរសុខទុក្ខជាមួយកម្មករ ក៏ដូចជាគ្រូអប់រំជំនឿ នៅសួនកម្សាន្តប្រវត្តិសាស្ត្រមួយ ដោយនៅក្នុងពេលនោះសម្តេចប៉ាបបានយាងកំសាន្តដោយស្នាមញញឹមជាមួយនឹងអស់អ្នកដែលចូលរួមទស្សនារួមគ្នាជាមួយនឹងសម្តេចផ្ទាល់ ។​

សម្តេចប៉ាបមិនត្រូវបានស្វាគមន៍ដោយពិធីផ្លូវការច្រើនឡើយដោយមានតែបងស្រីនិងអ្នកដែលជាជំនួយការរបស់ទ្រង់តិចតួច ហើយក៏បានជួបជាមួយនឹងប្រជាពលរដ្ឋនានា​ដោយស្នាមញញឹម​។​