សម្តេចប៉ាបផ្ញើសារអបអរថ្ងៃចូលកាន់តំណែងរបស់លោកប្រធានាធិបតីដូណាល់ ត្រាំ

វ៉ាទីកង់ញូវបានរាយការណ៍ថា នៅពេលដែលលោក ដូណាល់ ត្រាំ បានចូលទៅកាន់កាប់តំណែងនិងដឹកនាំនៅសេតវិមានជាថ្មី សម្តេចប៉ាបហ្រ្វង់ស៊ីស្កូបានផ្ញើសារទូរលេខចូលរួមសំដែងការអបអរចំពោះលោក ត្រាំ ។

សម្តេចប៉ាបបានសេសេរសារជូនពរលោក ត្រាំ ដែលក្លាយជាប្រធានាធិបតីសហរដ្ឋអាមេរិកទី ៤៧ ដោយផ្តល់ទាំងពរជ័យដល់លោកត្រាំ និង ប្រជាជនអាមេរិកជាទីស្រឡាញ់ ។

សម្តេចប៉ាបក៏បានផ្ញើសារជូនពរដល់ ក្រុមគ្រួសាររបស់លោកត្រាំ ហើយអធិស្ឋានថាព្រះម្ចាស់នឹងជួយដឹកនាំកិច្ចខិតខំប្រឹងប្រែងឆ្ពោះទៅរកសន្តិភាព។

សម្តេចប៉ាបបានសរសេរថា "ទូលបង្គំជាខ្ញុំសុំឱ្យព្រះដឹកនាំកិច្ចខិតខំប្រឹងប្រែងរបស់លោកក្នុងការលើកកម្ពស់សន្តិភាព និងការផ្សះផ្សាក្នុងចំណោមប្រជាជន"។

សម្តេចប៉ាបបានមានបន្ទូលថា ក្នុងឱកាសនៃការចូលកាន់តំណែងជាប្រធានាធិបតី ទូលបង្គំជាខ្ញុំសូមស្វាគមន៍យ៉ាងកក់ក្តៅនិងប្រកាសអធិដ្ឋានឲ្យព្រះជាម្ចាស់ប្រទាន ប្រាជ្ញាកម្លាំងនិងការការពារលោកត្រាំ។