សម្តេចប៉ាបបើកផ្លូវដល់ការតែងតាំងសន្តបុគ្គលថ្មី យ៉ាងហោច៧រូប

វ៉ាទីកង់ញូវបានរាយការណ៍កាលពីថ្ងៃទី ២៥ ខែកុម្ភៈ ឆ្នាំ២០២៥ថា សម្តេចប៉ាបហ្រ្វង់ស៊ីស្កូ បានប្រគល់សិទ្ធិ​ និងយល់ព្រម​តែងតាំងសន្តបុគ្គលថ្មីសម្រាប់ព្រះសហគមន៍កាតូលិកយ៉ាងហោចណាស់៧រូបថែមទៀត។

ប្រភពដដែលបានឲ្យដឹងថា សម្តេចប៉ាបបានយល់ព្រមប្រគល់ភារកិច្ចនៃការតែងតាំងសន្តបុគ្គលដល់ លោកកាឌីណាល់ ព្យែត្រូ ផារ៉ូលីន នាយករដ្ឋមន្រ្តីសន្តអាសនៈ និង លោកអគ្គអភិបាល អេហ្គា ប៉េញ៉ា ប៉ារ៉ា (Edgar Peña Parra) ឲ្យធ្វើការសម្រេចចិត្តចំពោះដំណើរការតែងតាំងបុគ្គលទាំង៧រូបនោះ ខណៈដែលទ្រង់កំពុងតែសម្រាកព្យាបាល ពាក់ព័ន្ធនឹងប្រព័ន្ធដង្ហើម។​

នៅក្នុងចំណោមជនដែលមានសុភមង្គលដែលនឹងត្រូវតែងតាំងជាសន្តបុគ្គលគឺមាន លោកបូជាចារ្យ អេមីល កាពូន (Emil Kapaun) ជនជាតិអាមេរិក​ ដែលបានកើតនៅថ្ងៃទី ២០ ខែមេសា ឆ្នាំ១៩១៦ ហើយក្លាយជាបូជាចារ្យនៅក្នុងឆ្នាំ១៩៤០ និង ទទួលមរណភាពនៅក្នុងឆ្នាំ១៩៤៤ នៅក្នុងជំរំអ្នកទោសនៅកូរ៉េ​។

លោក ​ សាលវូ ដា អាគីស្តូ (Salvo D’Acquisto) ដែលជាគ្រហស្ថជនជាតិអ៊ីតាលី កើតនៅថ្ងៃទី ១៥ ខែតុលា ឆ្នាំ១៩២០ និង​ស្លាប់នៅអ៊ីតាលីកាលពី​ថ្ងៃទី ២៣ ខែកញ្ញា ឆ្នាំ១៩៤៣។

អ្នកទាំងពីរ និង បុគ្គលដែលមានសុភមង្គល៥រូបទៀត គឺជាបុគ្គលដែលព្យាយាមលះបង់ជីវិតក្នុង​ បុព្វហេតុប្រកាសដំណឹងល្អនៅក្នុងអំឡុងពេលសង្រ្គាម៕