សម្តេចប៉ាបកែសម្រួលរចនាសម្ព័ន្ធដឹកនាំបុរីវ៉ាទីកង់

វ៉ាទីកង់ញូវបានរាយការណ៍ កាលពីថ្ងៃទី ២៥ ខែកុម្ភៈ ឆ្នាំ២០២៥ សម្តេចប៉ាបហ្រ្វង់ស៊ីស្កូ បានសម្រេចចិត្តធ្វើការតែងតាំងអគ្គអភិបាលពីររូបជាអគ្គលេខាធិការនិងអគ្គលេខាធិការងសម្រាប់ទទួលបន្ទុកកិច្ចការទូទៅក្នុងក្របខ័ណ្ឌ​គ្រប់គ្រងកិច្ចការនៅក្នុងរដ្ឋបុរីវ៉ាទីកង់។

ពាក់ព័ន្ធនឹងការតែងតាំងនេះ ការិយាល័យព័ត៌មានសន្តអាសនៈ បានប្រកាសថា សម្តេចប៉ាប បានតែងតាំងលោកអគ្គអភិបាល អេមីលីយ៉ូ ណាបប៉ា (Emilio Nappa) និង លោក យ៉ូសែប ពូលីស៊ី អាលីប្រេនឌី (Giuseppe Puglisi-Alibrandi )ជាអគ្គលេខាធិការ និង អគ្គលេខាធិការរងថ្មីសម្រាប់គណៈអភិបាលគ្រប់គ្រងកិច្ចការរដ្ឋវ៉ាទីកង់ចាប់ពីថ្ងៃទី ១ ខែមីនា ឆ្នាំ ២០២៥តទៅ។

ការសម្រេចចិត្តដ៏សំខាន់នេះ ធ្វើឡើងបន្ទាប់ពីវិសោធនកម្មដែលធ្វើឡើងដោយសម្តេចប៉ាបចំពោះច្បាប់មូលដ្ឋាននៃរដ្ឋបុរីវ៉ាទីកង់កាលពីថ្ងៃទី ១៣ ខែឧសភា ឆ្នាំ ២០២៣ និងក្រិត្យ CCL XXIV ស្តីពីការបង្កើតរដ្ឋបាល​រដ្ឋបុរីវ៉ាទីកង់ នាថ្ងៃទី ២៥ ខែវិច្ឆិកា ឆ្នាំ ២០១៨។

ជាមួយគ្នានោះ សម្តេចប៉ាបក៏បាន​តែងតាំង ដូនជី រ៉ាហ្វែលឡា ភេទ្រីនី (Raffaella Petrini) ឲ្យចូលទៅក្នុងកិច្ចការទាក់ទងនឹងអភិបាលកិច្ចនៃកិច្ចការរដ្ឋរបស់បុរីវ៉ាទីកង់ផងដែរ។​

លោកអគ្គអភិបាល អេមីលីយ៉ូ ណាបប៉ា បច្ចុប្បន្នបម្រើការជាជំនួយការនៅលេខាធិការដ្ឋាននៃ ក្រសួងប្រកាសដំណឹងល្អ  ហើយលោក យ៉ូសែប ពូលីស៊ី អាលីប្រេនឌី គឺជាអគ្គមេធាវី ដែលធ្លាប់កាន់កាប់កិច្ចការការិយាល័យច្បាប់ អត្រានុកូលដ្ឋាន បញ្ជីឈ្មោះ និងការិយាល័យសារការី៕