លោកបណ្ឌិត ប៉ាវ ឡូ រ៉ូហ្វីនី (Paolo Ruffini) អ្នកទទួលខុសត្រូវផ្នែកទំនាក់ទំនងរបស់ សន្តអាសនៈបានអំពាវនាវឱ្យព្រះសហគមន៍កាតូលិកដែលតំណាងដោយសន្តអាសនៈមានតួនាទីឈានមុខគេក្នុងការរៀបចំក្របខ័ណ្ឌនៃក្រមសីលធម៌សម្រាប់បញ្ញាសិប្បនិម្មិត ឬAI។ នេះបើតាមវ៉ាទីកង់ញូវ។
លោកបណ្ឌិត បាននិយាយនៅក្នុងសន្និបាតនៃកម្មវិធីប្រព័ន្ធផ្សព្វផ្សាយព្រះសហគមន៍កាតូលិកជាតិលើកទី ៧ របស់ប្រទេសហ្វីលីពីនកាលពីថ្ងៃទី ០៥ ខែ សីហា ឆ្នាំ២០២៤ថា ពិភពឌីជីថលមិនទាន់បាន ត្រៀមខ្លួនជាស្រេចនោះទេ។
លោកបណ្ឌិតបានបន្ថែមថា ពិភពឌីជីថល កំពុងផ្លាស់ប្តូរជារៀងរាល់ថ្ងៃ ហើយវាក៏បានបង្ហាញផ្លូវឲ្យមនុស្សផ្លាស់ប្តូរជារៀងរាល់ថ្ងៃផងដែរ ប៉ុន្តែនៅក្នុងអន្តរការនេះ វាគួរមានក្រមសីលធម៌មួយ។
លោកបណ្ឌិតបានបន្ថែមថា ក្រមសីលធម៌នេះគឺយើងពិតជាត្រូវការដើម្បីធានាឲ្យការប្រាស្រ័យទាក់ទងអាចបង្កើតនូវសេចក្ដីស្រឡាញ់ នៅក្រោមក្របខណ្ឌនៃការគ្រប់គ្រងរបស់មនុស្ស។
លោកបណ្ឌិតបាន គូសបញ្ជាក់អំពីការទទួលខុសត្រូវរបស់ព្រះសហគមន៍ ក្នុងការដឹកនាំវឌ្ឍនភាពបច្ចេកវិទ្យាជាមួយនឹងភាពច្បាស់លាស់ខាងសីលធម៌ និងតម្លៃដែលផ្តោតលើមនុស្ស។
លោកបណ្ឌិតបានបន្ថែមថា បច្ចេកវិទ្យាមិនអាចជំនួសបាន ដូចជាសេរីភាព អព្ភូតហេតុនៃការជួបគ្នារវាងមនុស្ស និងមនុស្សបានឡើយ។
លោកបានបន្តថា វាមិនត្រឹមតែជាតថភាពវប្បធម៌ប៉ុណ្ណោះដែលនឹងត្រូវផ្លាស់ប្តូរ។ វាគឺជាសម័យកាលផ្លាស់ប្តូរ។ សម្តេចប៉ាប ហ្វ្រង់ស៊ីស្កូ បានមានបន្ទូល ដោយបន្លឺសំឡេងថា "យើងត្រូវមានការត្រួតពិនិត្យយ៉ាងដិតដល់អំពីបច្ចេកវិទ្យាដែលកំពុងតែអភិវឌ្ឍជានិច្ច"។
លោកបានបន្តថា តាមបន្ទូលរបស់សម្តេចប៉ាប យើងត្រូវអង្គុយនៅទីនេះ ដើម្បីនិយាយ ស្តាប់ និងយល់ពីមូលហេតុ ព្រោះឥឡូវនេះយើងស្ថិតក្នុងការផ្លាស់ប្តូរសម័យកាល៕
Daily Program
