សន្តអាសនៈរៀបចំពិធីថ្វាយអភិបូជារំលឹកខួប២០ឆ្នាំនៃមរណៈភាពសម្តេចប៉ាបយូហានប៉ូលទី២

នៅថ្ងៃទី ២ ខែមេសា ឆ្នាំ ២០២៥ លោកកាឌីណាល់ ព្យែត្រូ ផារ៉ូលីន នាយករដ្ឋមន្រ្តីសន្តអសនៈ បានធ្វើជា អធិបតីក្នុងពិធីបុណ្យថ្វាយអភិបូជាពិសេសនៅក្នុងបុរីវ៉ាទីកង់ ដើម្បីរំលឹកខួបលើកទី ២០ នៃការសោយទិវង្គតរបស់សម្តេចប៉ាប យូហាន ប៉ូលទី ២។

នាឱកាសនោះ លោកកាឌីណាល់ នៅក្នុងនាសម្តេចប៉ាបហ្រ្វង់ស៊ីស្កូ បានផ្ញើការលើកទឹកចិត្ត ទៅកាន់អ្នកដែលចូលរួមក្នុងពិធីថ្វាយអភិបូជានេះ ។​

ពិធីនេះបានរៀបចំឡើងនៅវិសាលវិហា សន្តសិលា បាស៊ីលីកា (Peter's Basilica )កាលពី ម៉ោង ៣ រសៀល ដោយកម្មវិធីនេះបើកឲ្យមានការចូលរួមដោយសេរី ។​

បន្ទាប់មកនៅថ្ងៃដដែល នៅ​ម៉ោង ៩ យប់ គឺមានរៀបចំកម្មវិធី ​អធិស្ឋាន ​នៅ​ទីលាន សន្តសិលាជា​ភាសា​ប៉ូឡូញ និង​អ៊ីតាលី។

កម្មវិធីអធិដ្ឋាននេះ ត្រូវបានដឹកនាំដោយលោកអគ្គអភិបាល តាដឺហ្ស វូដា (Tadeusz Wojda) ប្រធានក្រុមអន្តរសភាលោកអភិបាលព្រះសហគមន៍កាតូលិក ប៉ូឡូញ រួមជាមួយនឹងលោកកាឌីណាល់ ស្តានីស្លា ឌីហ្សីវិស្ស (Stanisław Dziwisz )នៃព្រះសហគមន៍ កា្រកូវ (Kraków)​និងជាលេខាឯកជនរបស់សម្តេចប់ាបយូហានប៉ូលទី២ ពីឆ្នាំ២០០៦ ដល់ ឆ្នាំ​២០១៦ ។

គួររំលឹកថា សម្តេចប៉ាប កាលពីថ្ងៃទី​១២ ខែកុម្ភៈកម្លងមក ក៏បានផ្ញើការប្រសិទ្ធពររបស់ទ្រង់ទៅកាន់អស់អ្នកទាំងអស់ដែលចូលរួមរៀបចំពិធី ប្រារព្ធខួបលើកទី ២០ នៃការសោយទិវង្គត់របស់សម្តេចប៉ាប ៕