វ៉ាទីកង់សម្ភោធការិយាល័យប្រៃសណីយ៍ថ្មីមួយ

ការិយាល័យប្រៃសណីយ៍ចល័តថ្មីមួយ ត្រូវបានសម្ភោធដាក់ឲ្យប្រើប្រាស់នៅទីលានសន្តសិលា កាលពីចុងសប្តាហ៍មុន ។​

ការិយាល័យនេះ ត្រូវបានវ៉ាទីកង់ញូវរាយការណ៍ថា គឺជាការិយាល័យដែលយើងអាចផ្ញើសារនិងទទួលសារឬសេចក្តីជូនដំណឹងផ្សេងៗពីព្រះជាម្ចាស់ ។

ការិយាល័យនេះ គឺមានទីតាំងនៅទីលានសន្តសិលា​ បន្ទាប់ពីត្រូវបានរៀបចំឡើងក្រោមមូលនិធីដែលឧបត្ថម្ភឡើងដោយ សេវាកម្មប្រៃសណីយ៍អ៊ីតាលី ។​

លោកកាឌីណាល់ វ័ហ្គេ អាហ្សាហ្គា (Vérgez Alzaga) ប្រធានគណគ្រប់គ្រងបុរីវ៉ាទីកង់បានមានប្រសាសន៍ថា ការិយាល័យប្រៃសណីយ៍ថ្មីនេះ គឺនឹងបំពេញការងារជាការិយាល័យប្រៃសណីយ៍ផ្សេងៗ​ ប៉ុន្តែក៏ជាកន្លែងដែលគ្រិស្តបរិស័ទផ្ញើសារនិងទទួលសារពីព្រះជាម្ចាស់ផងដែរ៕