លោកអភិបាល ដាស់តឿនគ្រីស្តបរិស័ទ ឱ្យមានការប្រុងប្រយ័ត្ន អំពីព័ត៌មានមិនពិតស្តីពីសម្តេចប៉ាប

លោកអភិបាលអូលីវីយ៉េ អភិបាលព្រះសហគមន៍កាតូលិកកម្ពុជាភូមិភាគភ្នំពេញ បានរំលឹកដាស់តឿនគ្រីស្តបរិស័ទ ឲ្យមានការប្រុងប្រយ័ត្ន អំពីព័ត៌មានមិនពិតស្តីពីសុខភាពរបស់សម្តេចប៉ាបហ្វ្រង់ស៊ីស្កូ និងបានជំរុញឲ្យគ្រីស្តបរិស័ទត្រូវ ផ្ទៀងផ្ទាតលើប្រភពផ្លូវការដូចជា Vatican News ជាដើម។

លោកអភិបាលបញ្ជាក់ថា “សូមកុំបន្តរចែកចាយព័ត៌មានមិនពិតអំពីការស្លាប់របស់សម្តេចប៉ាបហ្វ្រង់ស៊ីស្កូ… មានអ្នកមួយចំនួនក៏ប្រើប្រាស់ឡូហ្គោ Vatican News ដើម្បីផ្សព្វផ្សាយព័ត៌មានមិនពិតបញ្ឆោតប្រជាជនផងដែរ”។ អភិបាលអូលីវីយេបានមានប្រសាសន៍ យ៉ាងនេះនៅពេលអធិដ្ឋានពិសេស សម្រាប់សម្តេចប៉ាប នៅព្រះវិហារ សន្តៈ សិលា និងសន្តៈ ប៉ូល (ភ្នំពេញថ្មី ) កាលពីថ្ងៃទី ២៤ ខែកុម្ភៈ ឆ្នាំ២០២៥។

Bishop Olivier, Apostolic Vicar of Phnom Penh, warned against false reports about Pope Francis’ health, urging the faithful to rely on official sources like Vatican News. “Please do not spread false reports about Pope Francis’ death… Some even misuse the Vatican News logo to deceive people,” he said during a special prayer for our beloved Pope Francis at St. Peter and St. Paul Church, Phnom Penh Thmey, on February 24, 2025.