លោកកាឌីណាល់មីយ៉ាន់ម៉ាថា បន្ទាប់ពីការរញ្ជួយដីពលរដ្ឋត្រូវការអ្វីៗគ្រប់យ៉ាងរួមទាំងសន្តិភាព

បន្ទាប់ពីការរញ្ជួយដីកាលពីថ្ងៃទី ២៨ ខែមីនាដែលបានវាយប្រហារប្រទេសមីយ៉ាន់ម៉ា លោកកាឌីណាល់ ឆាល បូ ប្រធានអន្តរសភាលោកអភិបាលនៃព្រះសហគមន៍កាតូលិកមីយ៉ាន់ម៉ាបាននិយាយថា ប្រជាជនរងគ្រោះឥឡូវនេះ ត្រូវការអ្វីៗគ្រប់យ៉ាង រួមទាំងសន្តិភាពដើម្បីបញ្ចប់សង្គ្រាមស៊ីវិល។

លោកកាឌីណាល់បាននិយាយថា បន្ទាប់ពីគ្រោះរញ្ជួយដីកម្រិត ៧,៧រិចទ័  មីយ៉ាន់ម៉ា រកឃើញមនុស្សរាប់ពាន់ នាក់បានស្លាប់ និងរាប់ពាន់នាក់ទៀតរងរបួស។

លោកបានបន្តថា អ្នកស្លាប់គឺជារឿងមួយ តែអ្នករស់ប្រជាជនត្រូវការអាហារ ទីជម្រក ឱសថ និងសម្ភារៈសង្គ្រោះជីវិតទាំងអស់។ លើសពីនេះ នៅ​កន្លែង​ជាច្រើន​មិនមាន​អគ្គិសនី ឬ​អ៊ីនធឺណិត ហើយបើនិយាយពី​ប្រព័ន្ធ​សុខាភិបាលគឺ​បាន​ដួលរលំ។

លោកកាឌីណាល់ ដែលកំពុងធ្វើដំណើរតាមរថយន្តរបស់គាត់នៅពេលរញ្ជួយដីបានវាយប្រហារថា «យើងបានឃើញរណ្ដៅធំៗជាច្រើនបានបង្កើតឡើងនៅលើផ្លូវ… វាជាពេលវេលាដ៏គួរឱ្យភ័យខ្លាចសម្រាប់យើងទាំងអស់គ្នា»។

លោកកាឌីណាល់បាននិយាយថាគាត់បានឃើញ "ទិដ្ឋភាពដ៏គួរឱ្យភ័យខ្លាចរបស់បុរស និងស្ត្រីដែលកំពុងរត់តាមដងផ្លូវស្វែងរកសុវត្ថិភាព" ដោយបន្ថែមថាគាត់បាន "អំពាវនាវដល់អ្នកពាក់ព័ន្ធទាំងអស់សូមឲ្យមាន ការគាំទ្រផ្នែកមនុស្សធម៌ជាបន្ទាន់ និងការចូលទៅដល់ប្រជាជនដែលរងផលប៉ះពាល់ដោយមិនមានការរារាំង៕