វ៉ាទីកង់ញូវបានរាយការណ៍ថា តំណាងរដ្ឋាភិបាលចក្រភពអង់គ្លេស សហរដ្ឋអាមេរិក និងអាល្លឺម៉ង់ បានអញ្ជើញមកចូលជួបសំដែងការគួរសមជាមួយនឹងសម្តេចប៉ាបហ្រ្វង់ស៊ីស្កូបន្ទាប់ពីពួកគេបានមកអ៊ីតាលីចូលប្រជុំ កិច្ចប្រជុំថ្នាក់រដ្ឋមន្ត្រី G7 នាពេលថ្មីៗនេះស្តីពីពិការភាព ។
ប្រភពដដែលបានបន្តថា ជំនួបនេះបានរៀបចំឡើងនៅក្រោយពេលដែលពួកគេបានមកចូលរួមកិច្ចប្រជុំពីថ្ងៃទី ១៤ ដល់ ១៦ ខែតុលា ឆ្នាំ២០២៤ ដែលត្រូវបានគេពិពណ៌នាថា ជាកិច្ចប្រជុំថ្នាក់រដ្ឋមន្ត្រីលើកដំបូងដែលមិនធ្លាប់មានរបស់រដ្ឋមន្ត្រី G7 ដែលផ្តោតដល់ការដាក់បញ្ចូលនូវទស្សនាទានពិការភាព ហើយនាំទៅដល់ការចុះហត្ថលេខាលើធម្មនុញ្ញមួយ ដែលបង្ហាញនូវការប្តេជ្ញាចិត្តប្រទេសហត្ថលេខីក្នុងការរួមបញ្ចូលសិទ្ធិជនពិការទៅក្នុងរបៀបវារៈនយោបាយ និងធ្វើសកម្មភាពជាក់ស្តែងដើម្បីធានាភាពងាយស្រួលរបស់ជនពិការ។
នៅក្នុងជំនួបនោះសម្តេចប៉ាប បានសម្តែងនូវ “ការដឹងគុណ និងគាវរកិ្ច សម្រាប់ការងាររបស់ពួកគេ ដែលផ្តោតនិងផ្តល់តម្លៃក៏ដូចជាបើកឱកាសឲ្យមានការចូលរួមពីសំណាកជនពិការទៅក្នុងគ្រប់យន្តការនៃសង្គមមនុស្ស ។
លោក ស្តេហ្វេន ធីម (Stephen Timms )រដ្ឋមន្ត្រីក្រសួងសន្តិសុខសង្គម និងពិការភាពរបស់ចក្រភពអង់គ្លេសបានពណ៌នាការជួបជាមួយសម្តេចប៉ាបថាជា ឯកសិទ្ធិដ៏ធំធេង។
លោកបានមានប្រសាសន៍ថា ៖ «វាពិតជាអស្ចារ្យណាស់ដែលបានឮបន្ទូលរបស់សម្តេចប៉ាបដែលតែងតែឱបក្រសោបដោយអស់ពីចិត្តចំពោះការដាក់បញ្ចូលជនពិការ»។
លោកបានពណ៌នាការចុះហត្ថលេខាលើធម្មនុញ្ញស្តីអំពីជនពិការថាជា ព្រឹត្តិការណ៍ដំបូងបង្អស់ ដែលបង្កើតការប្តេជ្ញាចិត្តច្បាស់លាស់ ក្នុងការដាក់បញ្ចូលជនពិការ ប៉ុន្តែបានសង្កត់ធ្ងន់ថា ឥឡូវនេះយើងត្រូវបកប្រែការប្តេជ្ញាចិត្តទាំងនោះឱ្យក្លាយជាការពិត។
លោកបានលើកឡើងទៀតថា បន្ទាប់ពីកិច្ចប្រជុំនៅក្នុងប្រទេសអ៊ីតាលី រដ្ឋមន្ត្រីទទួលបន្ទុកជនពិការ G7 កំពុង មានអារម្មណ៍បំផុសគំនិតបន្ថែមទៀត អំពីការងាររបស់ពួកគេ ដោយបន្ថែមថា ការយល់ព្រមពីសម្តេចប៉ាបបានផ្តល់ឱ្យពួកគេនូវការបំផុសគំនិតបន្ថែមទៀតសម្រាប់កិច្ចការខាងមុខ៕
Daily Program
