រដ្ឋបាលលោកត្រាំ សម្រេចចិត្តបង្កក់ជំនួយយោធាអាម៉េរិកសម្រាប់អ៊ុយក្រែន

មន្រ្តីសេតវិមានសូមរាយការណ៍ដោយមិនបញ្ចេញឈ្មោះថា នៅខណៈដែលកិច្ចសន្ទនា ជាមួយទីក្រុងគៀវ បានតានតឹង កាលពីថ្ងៃចន្ទ រដ្ឋាភិបាលរបស់លោកដូណាល់ ត្រាំ បាន សម្រេចចិត្តផ្អាកជំនួយយោធាអាម៉េរិក សម្រាប់​អ៊ុយក្រែន។

បីថ្ងៃបន្ទាប់ពីជម្លោះពាក្យសំដីនៅសេតវិមានជាមួយលោកវ៉ូឡូឌីមៀ ហ្សេឡេនស្គី កាលពីថ្ងៃ​ចន្ទ ទី៣ ខែមីនា ប្រធានាធិបតីអាម៉េរិក បានបញ្ជាឲ្យមានការផ្អាកជំនួយយោធាសហរដ្ឋ​អាម៉េរិកឲ្យដល់អ៊ុយក្រែនក្នុងសង្រ្គាមប្រឆាំងនឹងរុស្ស៊ី។
មន្រ្តីទទួលខុសត្រូវសេតវិមាន បានថ្លែងក្នុងភាពអនាមិកថា ៖ “យើងបានផ្អាក និងពិនិត្យឡើង វិញជំនួយរបស់យើងដើម្បីយើងធានាថា វាបានចូលរួមក្នុងការស្វែងរកដំណោះស្រាយ​សម្រាប់ជម្លោះរវាងអ៊ុយក្រែន និងរុស្ស៊ី។” លោកបានបន្ថែមថា ៖ “ប្រធានាធិបតី បានពន្យល់​យ៉ាងច្បាស់ថា លោកផ្តោតអារម្មណ៍លើ​សន្តិភាព។ យើងត្រូវដឹងថា ដៃគូរបស់យើងសន្យាផង​ដែរ ដើម្បីសម្រេចបានគោលដៅនេះ”។

សេចក្តីសម្រេចនេះត្រូវបានប្រកាន់យកបន្ទាប់ពីកិច្ចប្រជុំនៅសេតវិមានកាលពីថ្ងៃល្ងាចថ្ងៃចន្ទ ជាមួយរដ្ឋមន្រ្តីការពារជាតិ លោកភីធើ ហេហ្គសេត និងរដ្ឋមន្រ្តីការបរទេស លោកម៉ាកកូ រូប៊ីយ៉ូ ព្រមទាំងទីប្រឹក្សាសំខាន់របស់ប្រធានាធិបតីដូណាល់ ត្រាំ។ ដោយត្រូវចោទសួរលើប្រធានបទ​នេះនៅថ្ងៃចន្ទ អ្នកសាធារណរដ្ឋមិនបានឆ្លើយតបច្បាស់ ប៉ុន្តែពន្យល់ថា កិច្ចពិភាក្សាក៏បាន កំពុងធ្វើដែរ។

លោកដូណាល់ ត្រាំ មិនបានឈប់ខឹងទល់នឹងលោកវ៉ូឡូឌីមៀ ហ្សេឡេនស្គីទេ ចាប់តាំងពី ជំនួប​កាលពីថ្ងៃសុក្រនៅសេតវិមាន ដែលបានប្រែក្លាយទៅជាការប្រឈមមុខដោយ​ពាក្យសំដី ហើយកាលពីថ្ងៃចន្ទ លោកបានសង្កត់ធ្ងន់លើការគំរាមកំហែងប្រឆាំងនឹងមេដឹកនាំអ៊ុយក្រែន ដែលលោកសង្ស័យថា មិនចង់បានសន្តិភាពជាមួយនឹងរុស្ស៊ី។ លោកបានអះអាងថា លោក​មិន​អត់ឱនយូរទេលើជំហររបស់ប្រធានាធិបតីអ៊ុយក្រែនទេ។ លោកក៏បានសន្និដ្ឋានថា កិច្ច​ព្រម​ព្រៀង​អាចទាញយកអាជីវកម្មរ៉ែអ៊ុយក្រែន ដែល​លោក​វ៉ូឡូឌីមៀ ហ្សេឡេនស្គី បានពិនិត្យ​នឹង​ចុះ​ហត្ថលេខាកាលពីចុងសប្តាហ៍​អាច​នឹងបញ្ចប់។ ចំណែកប្រមុខរដ្ឋអ៊ុយក្រែនបានវាយតម្លៃនៅលើបណ្តាញសង្គម X ថា វាមាន​សារសំខាន់ថា យើង​ព្យាយាមធ្វើឲ្យទំនាក់ទំនងការទូតក្លាយជាសំខាន់ដើម្បីបញ្ចប់សង្រ្គាមឲ្យ​បានលឿនតាម​ដែល​អាច​ធ្វើទៅបាន។

នៅក្នុងវិដេអូមួយដែលផ្សព្វផ្សាយកាលពីរសៀលថ្ងៃចន្ទ លោកបានបន្តការអំពាវនាវឲ្យផ្តល់​ឲ្យ​អ៊ុយក្រែននូវការធានាខាងសន្តិសុខ។ លោកបាននិយាយថា ៖ “គឺដោយសារគ្មាន​ការធានា​សន្តិសុខ​សម្រាប់អ៊ុយក្រែន ដែល ១១ឆ្នាំ កន្លងទៅអាចឲ្យរុស្ស៊ី ចាប់ផ្តើមគ្រប់គ្រងគ្រីមៀ និង​សង្រ្គាម​នៅតំបន់ដុនបាស បន្ទាប់មកគ្មានការធានាសន្តិសុខ អាចឲ្យរុស្ស៊ីបង្កើតការឈ្លានពាន​ក្នុង​ទ្រង់ទ្រាយធំ”។

ដោយប្រតិកម្មភ្លាមៗ នៅសេចក្តីថ្លែងការណ៍កាលពីថ្ងៃអាទិត្យនៅទីក្រុងឡុងដ្រ៍ នៅក្នុងនោះ​លោកវ៉ូឡូឌីមៀ ហ្សេឡេនស្គី វាយតម្លៃថា កិច្ចព្រមព្រៀងបញ្ចប់សង្រ្គាមគឺនៅឆ្ងាយណាស់។ លោក​ដូណាល់ ត្រាំ បានគម្រាមថាលោកនឹងលែងអត់ឱនយូរហើយចំពោះជំហរនេះ។

នៅលើបណ្តាញសង្គម Truth Social លោកដូណាល់ ត្រាំ បានសរសេរថា ៖ “នេះ​គឺជា​រឿង​ដ៏អាក្រក់​​ដែលលោកហ្សេឡេនស្គីអាចនិយាយ ហើយអាម៉េរិក​នឹងមិនអត់ឱនរឿងនេះយូរទេ”។

លោក​ដូណាល់ ត្រាំ បានថ្លែងថា ៖ “លោកហ្សេឡេនស្គីមិនចង់បានសន្តិភាព នៅខណៈដែល​លោក​បានជំនួយពីអាម៉េរិក។ កាលពីថ្ងៃសុក្រ លោកត្រាំគំរាមទុកអ៊ុយក្រែនចោល ហើយ​លោក​នឹង​លែងផ្សះផ្សារទៀតហើយ”។