ម្ចាស់ពានរង្វាន់ណូបែលសន្តិភាពរិះគន់ទង្វើរបស់តាលីបង់ចំពោះស្ត្រីនៅអាហ្វហ្គានីស្ថាន

ម្ចាស់ជ័យលាភីណូបែលសន្តិភាព ម៉ាឡាឡា យូសាហ្វហ្សៃ (Malala Yousafzai)បានព្រមានប្រឆាំងនឹងការគាបសង្កត់របស់របប​តាលីបង់ចំពោះស្ត្រី ដែល​ពួកគេ​​ទទួលបានការអប់រំ។​

ម៉ាឡាឡា យូសាហ្វហ្សៃ សកម្មជនអប់រំប៉ាគីស្ថានដែលឈ្នះពានរង្វាន់ណូបែលសន្តិភាព សម្រាប់ការលើកកម្ពស់សិទ្ធិកុមារក្នុងការអប់រំ និងប្រឆាំងការគាបសង្កត់ស្រ្តី បានថ្លែងទៅកាន់រដ្ឋមន្ត្រី និងបញ្ញាវ័ន្ត រាប់សិបនាក់មកពីប្រទេសដែលកាន់សាសនាឥស្លាមភាគច្រើន​ថា របបតាលីបង់មិនបានមើលឃើញស្រ្តីជាមនុស្សទេ។​

តាមពិតទៅសន្និសីទនេះក៏មានការអញ្ជើញតំណាងរបបតាលីបង់ចូលរួមផងដែរ ប៉ុន្តែរបបតាលីបង់បានបដិសេធមិនចូលរួម។​

រដ្ឋាភិបាលតាលីបង់បានបដិសេធមិនឆ្លើយតបនឹងសំណើរសុំធ្វើអត្ថាធិប្បាយលើការលើកឡើងរបស់អ្នកតស៊ូមតិ ដោយ​ប្រាប់​ថា ពួកគេគោរពសិទ្ធិស្ត្រីស្របតាមការបកស្រាយរបស់ពួកគេអំពីវប្បធម៌អាហ្វហ្គានីស្ថាន និងច្បាប់អ៊ីស្លាម។

របបតាលីបង់បានគ្រប់គ្រងប្រទេសអាហ្វហ្គានីស្ថានឡើងវិញនៅក្នុងឆ្នាំ២០២១ ហើយរហូតមកដល់ពេលនេះ របបនេះនៅមិនទាន់ទទួលស្គាល់​ជាផ្លូវការដោយរដ្ឋាភិបាលណានោះ​ឡើយ៕