វ៉ាទីកង់ញូវបានរាយការណ៍ថា ថ្លែងនៅក្នុងកិច្ចពិភាក្សារួមរបស់គណៈកម្មាធិការអង្គការសហប្រជាជាតិនៅទីក្រុងញូវយ៉កកាលពីសប្តាហ៍មុន លោកអគ្គអភិបាល ហ្គាព្រីអែល កាហ្សា ( Gabriele Caccia) អ្នកសង្កេតការណ៍អចិន្រ្តៃយ៍នៃសន្តអសនៈប្រចាំនៅអង្គការសហប្រជាជាតិបានផ្សព្វផ្សាយ “ Dilexi te “ របស់សម្តេចប៉ាបឡេអូទី១៤ ទៅកម្មវិធីរបស់ UN។
លោកអគ្គអភិបាល បានលើកឡើងថា តាមរយៈ “ Dilexi te “ សម្តេចប៉ាបឡេអូទី១៤ បានសម្តែងការព្រួយបារម្ភថា "ធនធានហិរញ្ញវត្ថុ និងបច្ចេកវិទ្យាច្នៃប្រឌិតកំពុងត្រូវបានបង្វែរពីការលុបបំបាត់ភាពក្រីក្រ និងភាពអត់ឃ្លាននៅក្នុងពិភពលោកទៅការផលិត និងធ្វើពាណិជ្ជកម្មអាវុធ ។
លោកអគ្គអភិបាលបាននិយាយថា នេះជាការផ្ទុយគ្នាដ៏ឈឺចាប់ ដែលធនធានដែលគួរប្រើសម្រាប់ចិញ្ចឹម អប់រំ និងព្យាបាលមនុស្សជំនួសនូវអ្វីដែលបណ្តាលឱ្យមានការឈឺចាប់ និងទុក្ខវេទនាបន្ថែមទៀតដល់មនុស្សជាតិ។
លោកបានកត់សម្គាល់ថា ការធ្វើវិទ្ធង្សនាលើអាទិភាពនេះមិនត្រឹមតែពន្យារពេលនៃទុក្ខលំបាករបស់អ្នករស់នៅក្នុងភាពក្រីក្រប៉ុណ្ណោះទេ ប៉ុន្តែថែមទាំងបញ្ឆេះជម្លោះ និងអស្ថិរភាពទៀតផង៕
Daily Program
