ប្រព័ន្ធដកដង្ហើមរបស់សម្តេចប៉ាបនៅតែស្មុគស្មាញ

ការិយាល័យព័ត៌មានសន្តអសនៈបានអះអាងថា ស្ថានភាពសុខភាពរបស់សម្តេចប៉ាបហ្រ្វង់ស៊ីស្កូមួយថ្ងៃស្រួលមួយថ្ងៃស្រួចស្រាវ ។

ប្រភពដដែឡបានឲ្យដឹងថា កាលពីថ្ងៃច័ន្ទ ទ្រង់បានប្រឈមមុខនឹងជំងឺ ផ្លូវដង្ហើមស្រួចស្រាវចំនួនពីរលើក ដែលបណ្តាលមកពីការប្រមូលផ្តុំនៃស្លេញ កើតមានច្រើន ។

ប្រភពដដែលបានបន្តថា ទ្រង់មានបញ្ហាស្លេះច្រើនដែលតម្រូវឲ្យក្រុមគ្រូពេទ្យបូមយកចេញដើម្បីសំអាត​ប្រព័ន្ធដង្ហើម។

​ប្រភពដដែលបានឲ្យដឹងថា នៅពេលដែលក្រុមគ្រូពេទ្យខំព្យាបាលហើយនោះទ្រង់ផ្ទាលក៏បានចូលរួមសហការប្រុងប្រយ័ត្នបន្ថែមទៀតផងដែរ ហើយតែងតែសហការជាមួយនឹងក្រុមគ្រូពេទ្យជាបន្តបន្ទាប់ ។

ការធ្វើតេសឈាម បានបង្ហាញលទ្ធផលរាងប្រសើរដោយគ្រាប់ឈាមក្រហមខ្ពស់ជាងឈាមសរដែលជាការបង្ហាញទ្រង់មិនមានការឆ្លងថ្មីឡើយ ​ហើយការកើនឡើងស្លេះគឺ គ្រាន់តែជាផលវិបាកនៃជំងឺរលាកសួតដែលមានស្រាប់របស់សម្តេចប៉ាបប៉ុណ្ណោះ។