គ្រីស្តបរិស័ទរាប់ម៉ឺននាក់បានចូលរួមជាមួយ សម្តេចប៉ាបឡេអូទី១៤ នៅទីលាន សន្តសិលាកាលពីថ្ងៃសៅរ៍ ដើម្បីទូអង្វរសុំសន្តិភាពក្នុងពិភពលោក។
សម្តេចប៉ាបឡេអូនិងគ្រិស្តបរិស័ទបានធ្វើពិធី អធិស្ឋានសូត្រផ្គាំដ៏ពិសេស ដែលរួមបញ្ចូលដោយការរិះគិត និងទូលព្រះអង្វរព្រះជាម្ចាស់ ហើយលើកទឹកចិត្តអ្នកដែលមានវត្តមានរួមគ្នាលើកកំពស់សន្តិភាពនិងសេចក្តីស្រលាញ់។
នាឱកាសនោះសម្តេចប៉ាបឡេអូបានមានបន្ទូលថា ក្តីសង្ឃឹមរបស់យើងត្រូវបានដឹកនាំដោយពន្លឺដ៏ទន់ភ្លន់ និងខ្ជាប់ខ្ជួននូវពាក្យសម្ដីរបស់ព្រះនាងព្រហ្មចារិនី ម៉ារី ។
សម្តេចប៉ាបឡេអូបានមានបន្ទូលថា ពាក្យគ្រប់ម៉ាត់របស់ព្រះនាងម៉ារី គឺជាសក្ខីកម្មមួយ បញ្ជាក់អំពីតម្លៃរបស់ស្រ្តី ក៏ដូចជាសក្ខីភាពរបស់ម្តាយគ្រប់រូបចំពោះកូន។
នាឱកាសនោះសម្តេចប៉ាបឡេអូក័បានមានបន្ទូល ថា សន្តិភាពនៅលើពិភពលោក មិនត្រូវបានសម្រេចតាមរយៈ "អំណាច និងប្រាក់" នោះទេ ប៉ុន្តែតាមរយៈការអធិស្ឋាន ការស្តាប់ និងការរស់នៅតាមសារដំណឹងល្អ។
សម្តេចប៉ាបឡេអូបានបន្តថា សន្តិភាព មិនមែនកើតឡើងពី លទ្ធផលនៃជ័យជម្នះលើខ្មាំងសត្រូវនោះទេ ប៉ុន្តែជាផលផ្លែនៃការសាបព្រោះយុត្តិធម៌ និងការអភ័យទោសដោយក្លាហាន៕
Daily Program
