មហាព្រឹត្តិការណ៍នៃអ្នកអប់រំជំនឿបានកំពុងធ្វើនៅទីក្រុងរ៉ូម ដោយបានប្រមូលផ្តុំបូជនីយេសក៍ចំនួន១១៥ ប្រទេសមកពីជុំវិញពិភពលោក។
វ៉ាទីកង់ញូវបានរាយការណ៍ថា ព្រឹត្តិការណ៍ដែលហៅថា ឆ្នាំមហារករុណាទិគុណសម្រាប់ការអប់រំជំនឿដែលមានរយៈពេល៣ថ្ងៃ ចាប់ពីផ្តើមពីថ្ងៃទី២៦ ដល់ ថ្ងៃទី២៨ ខែកញ្ញា នេះ បានទាក់ទាញអ្នកចូលរួមសរុបប្រមាណជាជាង២ម៉ឺននាក់។
នៅថ្ងៃទី២៦ ខែកញ្ញា ក្រុមអ្នកធ្វើធម្មយាត្រាអប់រំជំនឿដែលបានមកដល់មុនគេគឺមាន អ៊ីតាលី អេស្ប៉ាញ ព័រទុយហ្គាល់ បារាំង ប៉ូឡូញ អ៊ុយក្រែន សហរដ្ឋអាមេរិក អាហ្សង់ទីន ប្រេស៊ីល ប៉ារ៉ាហ្គាយ ម៉ិកស៊ិក ប៉េរូ កូឡុំប៊ី ហ្វីលីពីន ឥណ្ឌា និងអូស្ត្រាលី។
ពួកគេទាំងអស់នោះតំណាងឱ្យភូមិភាគ ការិយាល័យថ្នាក់ជាតិ និងសមាជិកនៃក្រុមការងារអប់រំជំនឿនានា។
ពិធីនេះបានចាប់ផ្តើមឡើងនៅបាស៊ីលីកាក្រោមអធិបតីភាព អគ្គអភិបាល រីណូ ហ្វីសែលឡា (Rino Fisichella) ដែលជាអនុប្រធានទទួលបន្ទុក ក្រសួងប្រកាសដំណឹងល្អ។ ហើយនៅថ្ងៃទី ២៧ ខែកញ្ញា សម្តេចប៉ាបឡេអូទី១៤នឹងយាងចូលរួមដោយពិធីនេះរៀបចំឡើងនៅវេលាម៉ោង៤ រសៀលនៅទីលានសន្តសិលាតែម្តង។
ដោយឡែកនៅថ្ងៃអាទិត្យ ទី២៨ ខែកញ្ញាដែលជាថ្ងៃចុងក្រោយនឹងមាន ពិធីថ្វាយអភិបូជានៅវេលាម៉ោង ១០ ព្រឹក៕
Daily Program
