បុរីវ៉ាទីកង់អំពាវនាវឱ្យបញ្ចប់សង្គ្រាមនៅអ៊ុយក្រែន

លោកអគ្គអភិបាល ប៉ូល រីឆាត ហ្គាឡាហ្គ័រ ( Paul Richard Gallagher)  រដ្ឋមន្រ្តីទទួលបន្ទុកក្រសួង ទំនាក់ទំនងជាមួយរដ្ឋនិងអង្គការអន្តរជាតិរបស់បុរីវ៉ាទីកង់ឫសន្តអាសនៈបាន ជំរុញឱ្យបញ្ចប់សង្គ្រាមនៅអ៊ុយក្រែន ដោយអំពាវនាវឱ្យមានការសន្ទនា សកម្មភាពមនុស្សធម៌ និងការប្តេជ្ញាចិត្តជាថ្មីចំពោះសន្តិភាព។

វ៉ាទីកង់ញូវបានរាយការណ៍ថា នេះគឺជាខ្លឹមសារនៃគោលបំណងរបស់បុរីវ៉ាទីកង់នៅក្នុងថ្ងៃរំលឹកខួបនៃការផ្ទុះសង្រ្គាមនៅអ៊ុយក្រែន​២៤ ខែកុម្ភៈ ឆ្នាំ២០២២ និង ថ្ងៃ២៤ ខែកុម្ភៈ ឆ្នាំ២០២៥ ។

ថ្លែងនៅក្នុងកិច្ចប្រជុំ នៃក្រុមប្រឹក្សាអចិន្ត្រៃយ៍អង្គការសន្តិសុខនិងសហរប្រតិបត្តិការអឺរ៉ុប​ លោកអគ្គអភិបាលបាន ជំរុញឱ្យភាគីពាក់ព័ន្ធទាំងអស់បញ្ចប់ការរងទុក្ខ និងផ្លូវលើកទឹកចិត្តឲ្យមានការសន្ទនា និងជំនួយមនុស្សធម៌។

លោកអគ្គអភិបាលបាននិយាយថា សង្រ្គាមបានធ្វើឱ្យមានតែការរងទុក្ខយ៉ាងក្រៀមក្រំដល់អ៊ុយក្រែន​ប៉ុណ្ណោះ​។​

លោកអគ្គអភិបាលបានបន្តថា ក្រៅពីអ្នកស្លាប់ សង្គ្រាមក៏បាននាំឱ្យមានការខូចខាតយ៉ាងធ្ងន់ធ្ងរដល់ហេដ្ឋារចនាសម្ព័ន្ធសំខាន់ៗ និងការរិចរឹលបរិស្ថាន និងធ្វើឲ្យមានវិបត្តិដែលមនុស្សរាប់លាននាក់ប្រឈមមុខកាន់តែខ្លាំង។

លោកអគ្គអភិបាលក៏បានលើកឡើង ពីការព្រួយបារម្ភយ៉ាងខ្លាំងចំពោះផលវិបាកមនុស្សធម៌ដ៏សោកនាដកម្មដែលកើតឡើងដោយសារតែជម្លោះនេះ ហើយបានប្តេជ្ញាចិត្តជាពិសេសក្នុងការសម្រួលដល់ការធ្វើមាតុភូមិនិវត្តន៍របស់កុមារ ទន្ទឹមនឹងការលើកទឹកចិត្តដល់ការដោះលែងអ្នកទោស ជាពិសេសទាហាន និងជនស៊ីវិលដែលរងរបួសយ៉ាងធ្ងន់ធ្ងរ”។

លោកអគ្គអភិបាលក៏បានទទួចឲ្យអង្គការខាងលើ ជួយស្ដារឡើងវិញនូវភាពពាក់ព័ន្ធរបស់ខ្លួនជាវេទិកាពហុភាគីសម្រាប់ការសន្ទនាដោយបើកចំហ និងស្មោះត្រង់  ឈរនៅមូលដ្ឋានគ្រឹះដែលមិនអាចខ្វះបានសម្រាប់ផ្លូវដែលអាចសម្រេចបានណាមួយឆ្ពោះទៅរកសន្តិភាព ។