បង់ក្លាសដេសភាគច្រើនក៏ប្រារព្ធពិធីបុណ្យចូលឆ្នាំនៅថ្ងៃតែមួយនឹងកម្ពុជាដែរ

ប្រជាជនបង់ក្លាដែសមួយចំនួនក៏បានរីករាយស្វាគមន៍ឆ្នាំថ្មីបេងហ្គាល់ ១៤៣៣ ដោយសេចក្តីរីករាយ សាមគ្គីភាព និងមោទនភាពវប្បធម៌។

ពិធីបុណ្យចូលឆ្នាំនេះក៏ត្រូវបានប្រារព្ធពិធីឡើងស្រដៀងគ្នានឹងពិធីបុណ្យចូលឆ្នាំប្រពៃណីជាតិរបស់បងប្អូនប្រជាពលរដ្ឋកម្ពុជាផងដែរ។

នៅបង់ក្លាដេសពិធីនេះរៀបចំនៅថ្ងៃទី១៤ ខែមេសា ដោយប្រជាជន បានស្វាគមន៍ឆ្នាំថ្មីបេងហ្គាល់ ដែលត្រូវបានគេស្គាល់ក្នុងស្រុកថា ផាហេឡា ប័សាក ( Pahela Boishakh ) ប្រកបដោយក្តីសង្ឃឹម សេចក្តីរីករាយ និងស្មារតីថ្មី។

ពិធីបុណ្យវប្បធម៌ដ៏សំខាន់បំផុតរបស់ប្រជាជននិយាយភាសាបេងហ្គាល់ នេះត្រូវបានគេពិពណ៌នាជាញឹកញាប់ថាជា "ពិធីបុណ្យនៃជីវិត" ហើយ មនុស្សជាច្រើនជឿថាឆ្នាំថ្មីជានិមិត្តរូបនៃការលុបបំបាត់ទុក្ខព្រួយពីអតីតកាល និងនាំមកនូវសន្តិភាព វិបុលភាព និងការចាប់ផ្តើមថ្មី។

ចាប់ពីព្រឹកព្រលឹម មនុស្សមកពីគ្រប់មជ្ឈដ្ឋានបានចូលរួមក្នុងពិធីបុណ្យដ៏រស់រវើក នៅក្នុងកម្មវិធី ពិព័រណ៍ កម្មវិធីវប្បធម៌ តន្ត្រី និងក្បួនដង្ហែរពណ៌ស្រស់ឆើតឆាយបានបំពេញដងផ្លូវ ឧទ្យាន និងសង្កាត់ដោយថាមពល និងការអបអរសាទរ។

នៅចំកណ្តាលនៃពិធីបុណ្យគឺក្បួនដង្ហែរឆ្នាំថ្មីដ៏ល្បីល្បាញដែលគេស្គាល់ ដែលរៀបចំដោយនិស្សិត និងសាស្ត្រាចារ្យនៃសាកលវិទ្យាល័យដាកា។

ពិធីនេះត្រូវបានចាត់ទុកយ៉ាងទូលំទូលាយថាជាពិធីបុណ្យបង្រួបបង្រួម ដែលហួសពីព្រំដែនសាសនា និងបង្ហាញពីបេតិកភណ្ឌវប្បធម៌រួមរបស់ប្រទេសបង់ក្លាដែស។ ក្នុងរយៈពេលជាច្រើនទសវត្សរ៍មកនេះ វាបានដើរតួនាទីយ៉ាងសំខាន់ក្នុងការបង្កើតអត្តសញ្ញាណបេងហ្គាល់ដ៏ប្លែកមួយដែលមានឫសគល់នៅក្នុងភាសា ប្រពៃណី និងការចងចាំរួម៕