បងស្រី២ នាក់ ត្រូវបានគេសម្លាប់ក្នុងការវាយប្រហារតាមដងផ្លូវនៅប្រទេសហៃទី

បងស្រីពីរនាក់ស្ថិតក្នុងចំណោមមនុស្សប្រាំនាក់ដែលត្រូវបានសម្លាប់នៅក្នុងការវាយប្រហារដោយក្រុមចម្រុះនៃក្រុមក្មេងទំនើងតាមដងផ្លូវនៅលើនៅក្នុងតំបន់មីរីបាឡៃ (Mirebalais)។

វ៉ាទីកង់ញូវបានរាយការណ៍ថា អំពើហិង្សាដែលបានវាយប្រហារបងស្រីនិងជនរងគ្រោះនេះគឺជា ការឆ្លើយតបទៅនឹងការប៉ុនប៉ងរបស់ក្រុមប្រឹក្សាអន្តរកាលដើម្បីពង្រឹងការគ្រប់គ្រងទីក្រុងប៉័អូប្រាងឡើងវិញ។

បងស្រីទាំងពីរត្រូវបានគេដឹងថា គឺជាសមាជិកនៃក្រុមបុព្វជាតាតេរីសា នៅពេលដែលក្រុម ក្មេងទំនើងដ៏មានឥទ្ធិពលបំផុតរបស់ប្រទេសនេះ ចាប់ផ្តើមការវាយលុកដោយហឹង្សាជាការឆ្លើយតបទៅនឹងកិច្ចខិតខំប្រឹងប្រែងរបស់ក្រុមប្រឹក្សាអន្តរកាលក្នុងការស្តារការគ្រប់គ្រងជាតិឡើងវិញ។

ក្រុមក្មេងទំនើងទាំងនេះបានកំពុងតែអុកឡុកខ្លាំងនៅក្នុងសង្កាត់ដែលបងស្រីបានត្រូវគេរាយការណ៍ថា បានជួបគ្រោះថ្នាក់ ក្នុងទីប្រជុំជន​ប្រហែល ៦០ គីឡូម៉ែត្រ​ពី​ទីក្រុងដែលពួកគេនៅតែមានឥទ្ធិពលនិងនៅតែកាន់កាប់ទីក្រុងមួយភាគធំ ទោះ​បី​ជា​មាន​ការ​អន្តរាគមន៍​ពី​កង​កម្លាំង​សន្តិសុខ​ក៏​ដោយ ក៏​ក្រុម​ក្មេង​ទំនើង​នៅ​តែ​រក្សា​ដដែល ។

ការកើនឡើង​នៃ​អំពើ​ហិង្សា​បាន​ជំរុញ​ឱ្យ​អ្នកស្រុក​ភៀសខ្លួន​ដើម្បី​ស្វែងរក​ជម្រក​នៅក្នុង​ភូមិ​ក្បែរ​នោះ​។ មក​ទល់​ពេល​នេះ មនុស្ស​យ៉ាង​ហោច​ណាស់ ៥​នាក់​បាន​បាត់​បង់​ជីវិត ​។

លោក ម៉ាក ឡេរ៉ូយ មេស៊ីដ័រ ( Max Leroy Mésidor ) លោកបូជាចារ្យមួយរូបនៅក្នុងតំបន់បានបញ្ជាក់ពីអត្តសញ្ញាណរបស់បងស្រីទាំងពីរ។

ការសម្លាប់នេះបានរំឮកពីការធ្វើឃាតបងស្រី ល្វីសា ដែលអ័តូ ( Luisa Dell'Orto )ក្នុងឆ្នាំ  ២០២២  និងការចាប់ពង្រត់បងស្រី៦ នាក់ក្នុងខែមករា ឆ្នាំ ២០២៤ ដែលក្រោយមកត្រូវបានដោះលែង។