វ៉ាទីកង់ញូវបានរាយការណ៍ថា ស្ថានភាពនៅហ្គាហ្សាឥឡូវនេះកាន់តែអាក្រក់ រហូតដល់ស្បៀង អាហារ ប្រែក្លាយវាទៅជាអាវុធនិងយុទ្ធសាស្រ្តនយោបាយជាជាងការសង្គ្រោះ។
វិបត្តិមនុស្សធម៌និង ការបរាជ័យនៃមូលនិធិមនុស្សធម៌ហ្គាហ្សា(GHF) ដែលជាគំនិតផ្តួចផ្តើមរួមគ្នារបស់អ៊ីស្រាអែល-អាមេរិក បង្ហាញពីការដួលរលំនៃកិច្ចខិតខំប្រឹងប្រែងដើម្បីទទួលបានបទឈប់បាញ់ និងបង្ហាញពីភាពតានតឹងកាន់តែខ្លាំងលើការគ្រប់គ្រង ភាពស្របច្បាប់ និងអភិបាលកិច្ចនាពេលអនាគតនៃតំបន់។
វិបត្តិស្បៀងនិងឱសថកាន់តែខ្លាំងឡើងបន្ទាប់ពីរដ្ឋាភិបាលអ៊ីស្រាអែលបានបិទផ្លូវផ្តល់ជំនួយមនុស្សធម៌នៅដើមខែមីនា ហើយនៅពេលនេះស្ថានភាពកាន់តែធ្ងន់ធ្ងរទៅទៀតបន្ទាប់ពីការផ្អាកប្រតិបត្តិការដោយអង្គការមួយចំនួន រួមនឹងទីភ្នាក់ងារអង្គការសហប្រជាជាតិដទៃទៀត។
អ៊ីស្រាអែលបានបង្ហាញភាពត្រឹមត្រូវចំពោះសកម្មភាពរបស់ខ្លួនដោយចោទប្រកាន់ថា ក្បួនរថយន្តមនុស្សធម៌ដែលរៀបចំដោយអង្គការសហប្រជាជាតិ ត្រូវបានក្រុមសកម្មប្រយុទ្ធហាម៉ាសចាប់ខ្លួនជាបន្តបន្ទាប់ ហើយក្រុមនេះ បានចែកចាយឡើងវិញទៅប្រជាជនដើម្បីគ្រប់គ្រងលើដែនដីនេះឡើងវិញ៕
Daily Program
