ទាហានអ៊ីស្រាអែលនិយាយថា បានសម្លាប់មេបញ្ជាការតំបន់​នៃក្រុមហាម៉ាស

នៅក្នុងសារចូលឆ្នាំថ្មីដល់ទាហាន អ្នកនាំពាក្យយោធាអ៊ីស្រាអែល បានថ្លែងថា សង្រ្គាម រវាង អីស្រាអ៊ែល និងចលនាឥស្លាមប៉ាឡេស្ទីនហាម៉ាស នៅហ្គាហ្សា បន្តពេញមួយឆ្នាំ២០២៤។

ទាហានអ៊ីស្រាអែល បានថ្លែងថា បានសម្លាប់ លោកអាដែល មីស្ម៉ា នៅក្នុងការវាយប្រហារផ្លូវ​អាកាសនៅក្នុងទីក្រុង ដេ អាល់ បាឡា នៅដែនដីហ្គាហ្សា។ មេបញ្ជាការតំបន់នៃកងកម្លាំង​ខ្លាំង របស់ក្រុមហាម៉ាស លោកនូកបា ក៏ត្រូវបានអ៊ីស្រាអែលចោទប្រកាន់ថា បានចូលរួម​ការ​វាយ​​ប្រហាររបស់ក្រុមហាម៉ាសនៅថ្ងៃទី៧ ខែតុលា។

យោធាអ៊ីស្រាអែលក៏បានថ្លែងថា កងកម្លាំងអ៊ីស្រាអែល ក៏បានវាយប្រហារ គោលដៅ​ភេរវកម្ម ដែល​ត្រូវបានប្រើប្រាស់ ដោយក្រុមហាម៉ាស និងក្រុមជីហាដឥស្លាម ដើម្បីដឹកនាំ​ប្រតិបត្តិ​ការ​សង្រ្គាម​នៅ ស្ហ៉េចៃយ៉ា ដែលពីដើមគឺជាសង្កាត់​ដែលពោរពេញដោយ​មនុស្សរស់នៅ​នៃទីក្រុង​ក្នុងតំបន់ហ្គាហ្សា។

រដ្ឋមន្រ្តីអ៊ីស្រាអែលនៃសន្តិសុខជាតិ លោកអ៊ីតាម៉ា បេន ហ្គ្វៀ បានអំពាវនាវឲ្យ​មាន​ការ​ត្រឡប់​មក​វិញនូវអ្នកតាំងទីលំនៅជនជាតិជ្វីបមកដែនដីហ្គាហ្សា បន្ទាប់ពីសង្រ្គាមនៅតែបន្ត និងលើក​ទឹក​ចិត្ត​ឲ្យ​ប្រជាជនប៉ាឡេស្ទីនចាកចេញ

នៅអំឡុងកិច្ចប្រជុំមួយ នៃគណបក្សលោក និងសំដីរបស់លោកដែលផ្សព្វផ្សាយ​តាមបណ្តាញ​សង្គម លោកអ៊ីតាម៉ា បេន ហ្គ្វៀ បានថ្លែងថា ៖ “ការផ្សព្វផ្សាយអំពី​ដំណោះ​ស្រាយ​ដែល​លើក​ទឹក​ចិត្តឲ្យមាន​ការចាកចេញរបស់ប្រជាជននៅហ្គាហ្សា គឺចាំបាច់។ នេះគឺជាដំណោះ​ស្រាយ​ត្រឹម​ត្រូវ យុត្ថិធម៌ មានសីលធម៌ និងមានមនុស្សធម៌”។

រដ្ឋមន្រ្តីសន្តិសុខជាតិ ដោយមិនបានបញ្ជាក់ថា គាត់តាំងចិត្តបណ្តាញប្រជាជនហ្គាហ្សាចេញ ឬយ៉ាងណា លោកក៏អំពាវនាវថា នេះ​គឺជាឱកាស​បង្ហាញនូវគម្រោងការមួយ​ដែលសំដៅ​លើក​ទឹក​ចិត្តឲ្យមានការ​ចាកចេញ​របស់​ប្រជាជននៅហ្គាហ្សាឆ្ពោះទៅកាន់ប្រទេសដទៃៗទៀត នៅ​លើ​ពិភពលោក។ លោក​បាន​បញ្ជាក់​ថា ការចាកចេញរបស់ប្រជាជនប៉ាឡេស្ទីនពីដែនដី​ហ្គាហ្សា ដែល​គាត់អំពាវនាវ​ដោយ​សុទ្ធ​ចិត្ត ក៏នឹងបើកផ្លូវ​សម្រាប់ការស្តារឡើងវិញ​នូវ​អាណានិគម​​ជន​ជាតិ​​ជ្វីប​​នៅលើទឹកដី​ប៉ាឡេស្ទីន។

ចំណែកនៅស៊ីហ្ស័រដានី អំពើហិង្សា បានរីកធំឡើង​ចាប់តាំងពីការចាប់ផ្តើម​នៃ​សង្រ្គាម​នៅ​ហ្គាហ្សា។ ប្រធានអង្គការ​ក្រៅរដ្ឋាភិបាលអ៊ីស្រាអែល ការពារ​សិទ្ធមនុស្ស លោកយេស ឌីន បានថ្លែងថា ទង្វើហិង្សារបស់អ្នកតាំងទីលំនៅអ៊ីស្រាអែល ប្រឆាំងនឹងប្រជាជនប៉ាឡេស្ទីន​នៅ​ស៊ីហ្ស័រដានី បានឈានដល់កម្រិតឯកតកម្ម​នៅឆ្នាំ២០២៣ និងធ្វើឲ្យមនុស្សយ៉ាងហោច​ណាស់ ១០នាក់ស្លាប់។ អង្គការនេះ បានបន្ថែមថា ៖ “ផ្ទះជាង ១០ខ្នង និង​យាន​យន្ត​ជាច្រើន​ត្រូវ​បានដុតកាលពីឆ្នាំមុន”។

ចាប់តាំងពីការឡើងកាន់អំណាចរបស់រដ្ឋាភិបាលស្តាំនិយមរបស់អ៊ីស្រាអែលសព្វថ្ងៃ កាល​ពី​ខែធ្នូ ឆ្នាំ២០២២ បានធ្វើឲ្យជនជាតិប៉ាឡេស្ទីសំដែងនូវការបាត់បង់ទំនុកចិត្តចំពោះអាជ្ញាធរ​អ៊ីស្រាអែល​ដែលទទួលបន្ទុកអនុវត្តច្បាប់នៅស៊ីហ្ស័រដានី។

ទាក់ទងនឹងប្រធានបទរដ្ឋាភិបាលចម្រុះអ៊ីស្រាអែលដែលកាន់អំណាច ដែលរួមមានអ្នកគាំទ្រ​អ្នក​តាំង​ទីលំនៅ និងសមាជិកនៃខ្សែបណ្តាញជាតិនិយមជ្រុលដ៏រឹងមាំ អង្គការក្រៅរដ្ឋាភិបាល បានថ្លែងថា ៖ “អំពើហិង្សារបស់អ្នកតាំងទីលំនៅ គឺជានយោបាយរបស់រដ្ឋាភិបាល​អ៊ីស្រាអែល។ “

ចំណែកអ្នកកាសែតមួយក្រុមអាចចូលទៅកាន់នាវាដឹកឧត្ថម្ភាចក្របារាំង ឌីមូដ ហើយក៏ជា​មន្ទីរ​ពេទ្យដើម្បីព្យាបាលអ្នករស់នៅហ្គាហ្សា​ដែលរងរបួសដោយទាហានអ៊ីស្រាអែល។ នៅ​លើ​នាវា​មានក្មេងពាក់កណ្តាលរងរបួស។ ដើម្បីផ្តល់នូវការព្យាបាលចាំបាច់​សម្រាប់បេសកកម្ម​មនុស្ស​ធម៌នេះ នាវាយោធានេះត្រូវបានបំពាក់ដោយមន្ទីរវះកាត់ពីរ មន្ទីរព្យាបាលសម្រាប់អ្នក​រង​រលាកធ្ងន់ធ្ងរ ឧបករណ៍ស្កេន និងមន្ទីរពិសោធន៍វិភាគផងដែរ។