ឆ្នាំព្រះមហាករុណាទិគុណសម្រាប់គ្រួសារ លោកតាលោកយាយនិងមនុស្សចាស់ទាក់ទាញការចូលរួមពីគ្រីស្តបរិស័ទ១៣១ប្រទេស
ក្នុងឱកាសឆ្នាំព្រះមហាករុណាទិគុណសម្រាប់គ្រួសារ លោកតាលោកយាយនិងមនុស្សចាស់ដែលបានរៀបចំនៅបុរីវ៉ាទីកង់កាលពីថ្ងៃអាទិត្យទី១ ខែមិថុនា ឆ្នាំ២០២៥ បានទាក់ទាញគ្រីស្តបរិស័ទចូលរួមមកពី ១៣១ ប្រទេស។
នាឱកាសនោះវ៉ាទីកង់ញូវបានរាយការណ៍ថា សម្តេចប៉ាបឡេអូទី១៤ បានយាងស្វាគមន៍ និង បានលើកទឹកចិត្តអ្នកចូលរួម ឱ្យរិះគិតទៅកាន់ក្រុមគ្រួសារនានា ដែលរងទុក្ខដោយសារសង្រ្គាមនៅមជ្ឈិមបូព៌ា នៅអ៊ុយក្រែន និងនៅតំបន់ផ្សេងទៀតនៃពិភពលោក។
សម្តេចប៉ាបឡេអូទី១៤ បានមានប្រសាសន៍ថា “សូមព្រះមាតានៃព្រះជាម្ចាស់ជួយយើងឲ្យដើរទៅមុខលើមាគ៌ាសន្តិភាព”។
សម្តេចប៉ាបឡេអូបានពណ៌នាក្រុមគ្រួសារថាជា “ព្រះវិហារក្នុងស្រុកតូចៗ ដែលសារនៃដំណឹងល្អត្រូវបានទទួល និងបញ្ជូនបន្ត យ៉ាងមានប្រសិទ្ធភាព”។
សម្តេចប៉ាបឡេអូបានមានបន្ទូល ថា គ្រួសារមានប្រភពមកពីសេចក្តីស្រឡាញ់ដូចគ្នាដែលអ្នកបង្កើត ចូរឱបក្រសោបពិភពលោកដែលបានបង្កើតមក។
សម្តេចប៉ាបបានមានបន្ទូលបន្ថែមថា “សូមឲ្យជំនឿ ក្តីសង្ឃឹម និងសេចក្តីស្រឡាញ់កើនឡើងក្នុងគ្រួសារយើងជានិច្ច”៕
Daily Program
