គ្រីស្តបរិស័ទប្រមាណជា ៦.០០០ នាក់ បាននាំគ្នាធ្វើដំណើរមកដល់ទីក្រុងរ៉ូមដើម្បីរៀបចំពិធីបុណ្យករុណាទិគុណនៃអ្នកបម្រើអាសនៈ ដែលគហៅថា “ Jubilee of Deacons”។
វ៉ាទីកង់ញូវបានរាយការណ៍ថា អ្នកបម្រើការព្រះសហគមន៍សរុប ៤.០០០ នាក់ និងអ្នកពាក់ព័ន្ទចំនួន ២.០០០ នាក់ផ្សេងទៀត បានកំពុងប្រមូលផ្តុំគ្នានៅទីក្រុងរ៉ូមរយៈពេលបីថ្ងៃ ដោយចាប់ផ្តើមថ្ងៃសុក្រ ទី ២១ ហើយបានបញ្ចប់នៅថ្ងៃទី២៣ ខែកុម្ភៈ ឆ្នាំ២០២៥ ។
ប្រភពដដែលបានបន្តថា អ្នកបម្រើអាសនៈទាំងអស់គឺមកពីប្រទេសជាង១០០ ដោយរួមទាំង សហរដ្ឋអាមេរិក បារាំង ប្រេស៊ីល ឥណ្ឌា កាមេរូន និងអូស្ត្រាលី។
ពិធីនេះរៀបចំឡើងដោយមិនមានវត្តមានរបស់សម្តេចប៉ាបហ្រ្វង់ស៊ីស្កូឡើយដោយទ្រង់បានយាងចូលសម្រាកនៅមន្ទីរពេទ្យដោយសារតែបញ្ហាទាក់ទងនឹងផ្លូវដង្ហើម ។
ព្រឹត្តិការណ៍នេះចាប់ផ្តើមនៅថ្ងៃសុក្រសប្តាហ៍មុន នៅក្នុងព្រះវិហារទាំង ១២ នៃទីក្រុងរ៉ូម ដោយមានការអធិស្ឋាននៅម៉ោង ៣ និង ៣០នាទីរសៀល បន្ទាប់មកមានការប្រជុំជាបន្តបន្ទាប់លើប្រធានបទ "សញ្ញាជាក់ស្តែងនៃក្តីសង្ឃឹមនៅក្នុងកិច្ចការបម្រើអសនៈ ។
នៅព្រឹកថ្ងៃសៅរ៍ អ្នកចូលរួម បានអាចឆ្លងកាត់ទ្វារ ពិសិដ្ឋនៅទីលានសន្តសិលា បាស៊ីលីកា ចាប់ពីម៉ោង ៩ និង ៣០នាទីព្រឹក ដល់ ៩ និង ៣០ នាទីយប់ ។
នៅថ្ងៃចុងក្រោយ ថ្ងៃអាទិត្យ ទី ២៣ ខែកុម្ភៈ អ្នកបម្រើអាសនៈ២៣ រូប នឹងត្រូវបានតែងតាំងក្នុងអំឡុងពិធីដ៏ធំដែលគេគ្រោងនឹងរៀបចំនៅក្នុងវិសាលវិហារ សន្តសិលា បាស៊ីលីកា ក្រោមអធិបតីភាពនៃគណៈអភិបាលសម្រាប់ការផ្សាយដំណឹងល្អ គឺលោកអគ្គអភិបាល រីណូ ហ្វីស៊ីសេឡា (Rino Fisichella) ។
Daily Program
