ខណៈដែលប្រជាជនម៉ានី កំពុងប្រឈមមុខនឹងភាពក្រីក្រ គ្រីស្តបរិស័ទនិងមូស្លីមបានសហការគ្នា ផ្តួចផ្តើមឲ្យចេញជាសកម្មភាពមនុស្សធម៌រួមគ្នាមួយដោយប្រកាសផ្តល់អាហារដល់អ្នកដែលក្រីក្រនិងខ្វះខាត។
កម្មវិធីចែកស្បៀងអាហារនេះបានរៀបចំឡើងតាំងតែពី ការចាប់ផ្តើមនៃបុណ្យរ៉ាម៉ាដាននៅថ្ងៃទី ១ ខែមីនា។
កម្មវិធីនេះរៀបចំឡើងជារៀងរាល់ថ្ងៃពេញមួយខែនៃបុណ្យរ៉ាម៉ាដាន នៅរៀងរាល់ថ្ងៃនៅម៉ោង ៦ល្ងាច នៅពេលដែលប្រជាជនម៉ូស្លីមបញ្ចប់ពិធី តមអាហាររបស់ពួកគេជារៀងរាល់ថ្ងៃ។
នៅក្នុងប្រទេសដែលមានប្រជាជនប្រហែល ៩៥ភាគរយជាកាន់សាសនាឥស្លាម ស្ទើរតែទាំងអស់សុទ្ធតែជានិកាយស៊ុននី។
កម្មវិធីនេះផ្តួចផ្តើមឡើងដោយរដ្ឋាភិបាលម៉ាលីនៅក្នុងគោលគំនិតជាអន្តរសាសនាមួយដើម្បីលើកកំពស់សាមគ្គីភាព និងភាពស្អិតរមួតនៅក្នុងសង្គមរវាងមូស្លីម និង សាសនាផ្សេងៗដោយរូមគ្នាគ្រីស្តបរិស័ទ។
កម្មវិធីនេះ គឺត្រូវបានរៀបចំដោយកម្មករ អាជ្ញាធរមូលដ្ឋាន និងអង្គការក្រៅរដ្ឋាភិបាល ដើម្បីអបអបុណ្យ រ៉ាម៉ាដានផង និង ដើម្បីលើកកំពស់ភាតរភាពរនៅក្នុងស្រទាប់ពលរដ្ឋ។
នៅឆ្នាំនេះ គំនិតផ្តួចផ្តើមគឺពិសេសជាងនេះ ដោយសារបុណ្យរ៉ាម៉ាដាន ស្របពេលជាមួយនឹងបុណ្យគ្រីស្តសាសនា ដូច្នេះហើយឆ្នាំនេះ ប្រជាជនមកពីនិកាយសាសនាផ្សេងៗមានឱកាសចែករំលែកពេលវេលានៃការរួបរួមគ្នាជាមួយអាហារ។
អាជ្ញាធរមូលដ្ឋាន អ្នកដឹកនាំសាសនា និងប្រជាពលរដ្ឋសាមញ្ញបានចូលរួមកម្មវិធីនេះទាំងអស់គ្នាដោយពួកគេរួបរួមគ្នា អធិស្ឋាន រៀងរាល់ថ្ងៃ។
បន្ថែមពីលើកញ្ចប់អាហារ អង្ករចំនួន ៥០តោន ត្រូវបានប្រគល់ជូនដល់អង្គការសាសនាឥស្លាម និងគ្រីស្តសំខាន់ៗរបស់ប្រទេស ដោយរដ្ឋមន្ត្រីក្រសួងធម្មការ ការគោរពបូជា និងគយ រួមជាមួយនឹងថ្នាក់ដឹកនាំសាសនា និងរដ្ឋាភិបាលដទៃទៀត។
គំនិតផ្តួចផ្តើមនេះគឺជាផ្នែកមួយនៃគម្រោងធំមួយដែលមានឈ្មោះថា Operation Sounkalo Solidarité ដែលត្រូវបានចាប់ផ្តើម ឧត្តមសេនីយ៍ អាស៊ីមី ហ្គោអ៊ីតា (Assimi Goita) មេដឹកនាំរដ្ឋាភិបាលបណ្តោះអាសន្តម៉ាលី៕
Daily Program
