បណ្ឌិតសភាភាពជាអ្នកដឹកនាំដើម្បីសន្តិភាព ដែលកំពុងដឹកនាំដោយលោកអភិបាល ជូឡេស ប៊ូត្រូវ (Jules Boutros) ត្រូវបានវ៉ាទីកង់ញូវរាយការណ៍ថា បានកំពុងតែជួយ បណ្តុះបណ្តាលយុវជននៅប្រទេសលីបង់ ដើម្បីនាំយកតម្លៃនៃការបង្រៀនសង្គមកាតូលិកទៅជានយោបាយ ហើយប្រែក្លាយវាទៅជាការប្រកាសដំណឹងល្អ ។
ជាងពាក់កណ្តាលនៃនិស្សិត ដែលមានអាយុពី ១៨ ដល់ ២៩ ឆ្នាំបានបង្ហាញពីបំណងចង់ចាកចេញពីប្រទេសលីបង់ បន្ទាប់ពីវិបត្តិសេដ្ឋកិច្ច និងភាពតានតឹងរវាងអ៊ីស្រាអែល និងហេសបូឡា។ ក្នុងរយៈពេលប៉ុន្មានឆ្នាំចុងក្រោយនេះ មនុស្សជាង៥៦ ម៉ឺននាក់បានចាកចេញពីប្រទេសលីបង់ ហើយបានឆ្លងចូលទៅក្នុងប្រទេសស៊ីរី ដែលជាលទ្ធផលនៃស្ថានភាពដែលកំពុងបន្ត។
យ៉ាងណាក៏ដោយ ការបង្កើតគម្រោងថ្មីកំពុងផ្លាស់ប្តូរបរិយាកាសសម្រាប់យុវជន ជាពិសេសគ្រិស្តសាសនិក។ បណ្ឌិតសភាភាពជាអ្នកដឹកនាំដើម្បីសន្តិភាព ដែលគាំទ្រដោយវ៉ាទីកង់បានកំពុងតែ ធ្វើការជាមួយយុវជនកាតូលិកដែលមានអាយុក្រោម៣៥ ឆ្នាំនៅមជ្ឈិមបូព៌ា។
ក្រុមយុវជនទាំងនោះកំពុងចូលរួមក្នុងនយោបាយកាន់តែច្រើនឡើង ជាមួយនឹងគោលដៅផ្លាស់ប្តូរវា “ពីកន្លែងពុករលួយ” ទៅជាវេទិកាមួយសម្រាប់លើកកម្ពស់តម្លៃនៃការបង្រៀនតាមសង្គមកាតូលិក។
លោកអភិបាលបានពន្យល់ពីបណ្ឌិត្យសភាភាពជាអ្នកដឹកនាំដើម្បីសន្តិភាព ថា បណ្ឌិតសភាពនេះ បាននិយាយថា អំពើហិង្សានៅលីបង់បានជំរុញឲ្យមានការផ្លាស់ប្តូររបៀបដែលយុវជនចូលប្រឡូកក្នុងនយោបាយ ប៉ុន្តែនៅទីនេះយើងបានព្យាយាម បង្វែរការគិតរបស់ពួកគេ ហើយលើកទឹកចិត្តឲ្យពួកគេអោយចូលរួម បម្រើផលប្រយោជន៍រួម និង “ក្លាយជាអ្នកកសាងសន្តិភាព យុត្តិធម៌ និងភាតរភាព”។
Daily Program
