ក្រុមលោកអភិបាលព្រះសហគមន៍អ៊ីតាលីបន្តប្រឆាំងនឹងច្បាប់ផ្តល់ជំនួយដល់ការប៉ុនប៉ងធ្វើអត្តឃាត
ក្រុមលោកអភិបាលនៃព្រះសហគមន៍នៅ ប្រទេសអ៊ីតាលីបានសម្តែងការព្រួយបារម្ភយ៉ាងខ្លាំងចំពោះច្បាប់ក្នុងតំបន់ថ្មីដែលអនុញ្ញាតឱ្យធ្វើអត្តឃាតដោយមានជំនួយផ្នែកវេជ្ជសាស្ត្រ។
តាមរយៈវ៉ាទីកង់ញូវបានឲ្យដឹងថា ក្រុមលោកអភិបាលព្រះសហគមន៍នៅកាណាដានៅតែបន្ត សង្កត់ធ្ងន់លើការគោរពជីវិត និងអំពាវនាវឱ្យមានក្របខ័ណ្ឌច្បាប់ដែលលើកកម្ពស់ការថែទាំ និងការគាំទ្រសម្រាប់អ្នកជំងឺនៅដំណាក់កាលចុងក្រោយជាជាងផ្តល់ការលើកទឹកចិត្តឲ្យពួកគេលះបង់ជីវិតព្រោះតែការឈឺចាប់។
ក្រុមលោកអភិបាលបានថ្កោលទោសច្បាប់ដែលបានអនុម័តនាពេលថ្មីៗនេះដោយក្រុមប្រឹក្សាតំបន់នៃ ទីក្រុង ទូស្កានី (Tuscany )ស្តីពីការអនុញ្ញាតិឲ្យមនុស្សធ្វើអត្តឃាតដោយមានជំនួយផ្នែកវេជ្ជសាស្ត្រ ដោយពួកគេលើកឡើងថា ផ្ទុយនឹងតម្លៃនៃជីវិតមនុស្ស។
នៅក្នុងសេចក្តីថ្លែងការណ៍កាលពីចុងសប្តាហ៍មុន ក្រុមលោកអភិបាលបានលើកឡើងពីការព្រួយបារម្ភថា ការអនុម័តនេះផ្តល់អាទិភាពដល់ការជួយដល់ការស្លាប់លើការថែទាំអ្នកជំងឺ និងការទទួលខុសត្រូវខាងសីលធម៌។
ក្រុមលោកអភិបាលបាននិយាយនៅក្នុងសេចក្តីថ្លែងការណ៍មួយថា "យើងបង្ហាញពីការព្រួយបារម្ភចំពោះគំនិតផ្តួចផ្តើមក្នុងតំបន់នាពេលថ្មីៗនេះលើប្រធានបទនៃការបញ្ចប់ជីវិត។ “កិច្ចការទីមួយរបស់សហគមន៍ស៊ីវិល និងប្រព័ន្ធសុខាភិបាលគឺជួយ និងថែទាំ មិនមែនជំរុញឲ្យជនរងគ្រោះប្រញាប់រកសេចក្តីស្លាប់នោះទេ”។
ច្បាប់នេះត្រូវបានអនុម័តបន្ទាប់ពីការជជែកដេញដោលជាច្រើនឆ្នាំ និងអនុញ្ញាតឱ្យអ្នកជំងឺចុងក្រោយដែលមានការឈឺចាប់ដែលមិនអាចទ្រាំទ្របាន ដើម្បីស្វែងរកការធ្វើអត្តឃាតដែលជួយដោយផ្នែកវេជ្ជសាស្រ្តក្រោមលក្ខខណ្ឌដ៏តឹងរឹង។ ដូច្នេះ ច្បាប់តម្រូវឱ្យគណៈកម្មការវេជ្ជសាស្រ្ត និងក្រមសីលធម៌ពិចារណាលើសំណើបញ្ចប់ជីវិតក្នុងរយៈពេលមិនលើសពី ៣០ ថ្ងៃ។
Daily Program
