ក្រុមលោកអភិបាលព្រះសហគមន៍បារាំងសំដែងការខកចិត្តនឹងច្បាប់ថ្មីបើកដៃជួយសម្រួលសេចក្តីស្លាប់
ក្រុមលោកអភិបាលព្រះសហគមន៍បារាំងសំដែងការខកចិត្តនឹងច្បាប់ថ្មីបើកដៃជួយសម្រួលសេចក្តីស្លាប់
វ៉ាទីកង់ញូវបានរាយការណ៍ថា ក្រុមលោកអភិបាលនៃព្រះសហគមន៍កាតូលិកនៅក្នុងប្រទេសបារាំងបា នសម្ដែងការខកចិត្តចំពោះការប្រកាសរបស់ប្រធានាធិបតី អាម៉ានូអែល ម៉ាក្រុង ពាក់ព័ន្ធនឹងច្បាប់ថ្មីដែ លអនុញ្ញាតឱ្យមានជំនួយផ្នែកវេជ្ជសាស្រ្ដក្នុងការស្លាប់។
បន្ទាប់ពីបារាំងបានអនុម័តលើការធ្វើវិសោធនកម្មរដ្ឋធម្មនុញ្ញដែលបើកផ្លូវឲ្យស្រ្តីដែលមានបំណងរំលូតកូនមានសិទ្ធិស្របតាមរដ្ឋធម្មនុញ្ញ លោកប្រធានាធិបតី អេម៉ានូអែល ម៉ាក្រុងបានប្រកាសកាលពីថ្ងៃចន្ទថា នៅខែឧសភាខាងមុខលោកអាចនឹងបង្ហាញនូវការបើកផ្លូវដែលនាំដល់ការផ្តល់ជំនួយផ្នែកវេជ្ជសាស្រ្តស្របច្បាប់ក្នុងការស្លាប់សម្រាប់អ្នកដែលមានជំងឺហើយមិនចង់រស់។
នៅក្នុងបទសម្ភាសមួយទៅកាន់កាសែត Libérationnews របស់ប្រទេសបារាំង និងទៅកាន់កាសែត Catholic daily La Croixលោក ប្រធានាធិបតីបារាំងបានបំភ្លឺថា វិធានការនេះនឹងអនុវត្តយ៉ាងតឹងរ៉ឹងចំពោះមនុស្សពេញវ័យដែលទទួលរងទុក្ខពីជំងឺធ្ងន់ៗ ដូចជាមហារីកដំណាក់កាលចុងក្រោយជាដើម។
លោកបានរៀបរាប់លម្អិតថា ច្បាប់ថ្មីនឹងអនុញ្ញាតឲ្យអ្នកជំងឺធ្ងន់ធ្ងរដែលមានសមត្ថភាពផ្លូវចិត្តពេញលេញ អាចគ្រប់គ្រងសារធាតុពុលដោយខ្លួនឯង ឬក្នុងករណីដែលអ្នកជំងឺមិនមានលទ្ធភាពខាងរាងកាយ ដើម្បីស្នើសុំឱ្យចាត់តាំងមនុស្សម្នាក់ទៀតឱ្យទៅ ធ្វើអញ្ចឹង។ លោកបានបន្ថែមថា ប្រសិនបើអ្នកជំនាញផ្នែកវេជ្ជសាស្ត្របដិសេធសំណើនេះ អ្នកជំងឺអាចពិគ្រោះជាមួយក្រុមគ្រូពេទ្យផ្សេងទៀត ឬប្តឹងឧទ្ធរណ៍៕
Daily Program
