តំណាងទីភ្នាក់ងារកុមាររបស់អង្គការសហប្រជាជាតិហៅកាត់ថា យូនីសេហ្វប្រចាំនៅប្រទេសហៃទី បានអំពាវនាវឱ្យសហគមន៍អន្តរជាតិចាត់វិធានការប្រឆាំងនឹងការគំរាមកំហែងកាន់តែខ្លាំងឡើងលើកុមារ ដោយហៅពួកគេថា "ការវាយប្រហារលើមនុស្សជាតិខ្លួនឯង" ។
វ៉ាទីកង់ញូវបានរាយការណ៍ថា អំពើហិង្សា និងអំពើឃោរឃៅបានញាំញីប្រជាជនហៃទី ខណៈដែលឥទ្ធិពលនៃក្រុមប្រដាប់អាវុធនៅតែបន្តកើនឡើង។
តំណាងអង្គការ យូនីសេហ្វ ប្រចាំប្រទេសហៃទី លោកស្រី ជីតតា ណារ៉ាយ៉ាន (Geeta Narayan) បានចេញសេចក្តីថ្លែងការណ៍នៅលើបណ្តាញសង្គម X ដោយលើកឡើងនូវ ស្ថានភាពហានិភ័យចំពោះកុមារដែលកំពុងបន្ត នៅក្នុងប្រទេសនេះ នៅតែបន្តគំរាមកំហែង ។
លោកស្រីបានបន្តថា កុមារឥឡូវនេះកំពុងត្រូវបានគេកំណត់គោលដៅ ដូច្នេះហើយ ភាពភ័យរន្ធត់ដែលមិនអាចនឹកស្មានដល់ កំពុងប្រឈមសម្រាប់ពួកគេ ។
កាលពីថ្ងៃទី១១ ខែកុម្ភៈ គ្រាប់កាំភ្លើងបានបាញ់សម្លាប់សិស្សម្នាក់ដែលកំពុងអង្គុយក្នុងថ្នាក់។ ក្រៅពីនោះតំណាងអង្គការយូនីសេហ្វក៏បានពណ៌នាអំពីរបាយការណ៍ដែលថាទារកអាយុពីរខែត្រូវបានដុតទាំងរស់នៅចំពោះមុខម្តាយរបស់ពួកគេ ដែលជា "អំពើឃោរឃៅដ៏គួរឱ្យភ័យខ្លាចដែលគួរអង្រួនពិភពលោកយ៉ាងខ្លាំង"។
លោកស្រី បានសង្កត់ធ្ងន់ថា សកម្មភាពទាំងនេះគឺច្រើនជាងអំពើហិង្សា ហើយជា “ការវាយប្រហារលើមនុស្សជាតិខ្លួនឯង។
នៅក្នុងស្ថានភាពនេះអង្គការយូនីសេហ្វបានអំពាវនាវឱ្យអាជ្ញាធរជាតិ និងសហគមន៍អន្តរជាតិធ្វើសកម្មភាព និង "ការពារកុមារនៅប្រទេសហៃទី ការពារសិទ្ធិរបស់ពួកគេ ជាពិសេសគឺ ធានាសុវត្ថិភាពរបស់ពួកគេ។ អ្នកស្រីបានជំរុញថា កុមារគ្រប់រូបសមនឹងរស់នៅដោយគ្មានការភ័យខ្លាច។
មកដល់ពេលនេះកុមារប្រហែល ១,២ លាននាក់ត្រូវបានគេរាយការណ៍ថាកំពុងរស់នៅក្រោមការគំរាមកំហែងឥតឈប់ឈរនៃអំពើហិង្សាប្រដាប់អាវុធ ហើយចំនួនកុមារដែលត្រូវបានជ្រើសរើសទៅបម្រើក្រុមប្រដាប់អាវុធបានកើនឡើងយ៉ាងខ្លាំងផងដែរ។
Daily Program
