បន្ទាប់ពីការដកខ្លួននៃបេក្ខភាពរបស់លោកចូ បាយឌិន ដែលជាក្តីរំពឹងពីអ្នកប្រជាធិបតេយ្យជាច្រើន បក្សសាធារណរដ្ឋបានបង្កើនការវាយប្រហារចំពោះអ្នកដែលនឹងចាប់ផ្តើមឡើងជំនួស គឺបេក្ខភាព លោកស្រីកាម៉ាឡា ហារីស ដោយចាប់ផ្តើមដោយលោកដូណាស់ ត្រាំ ដែលបានបាត់បង់គូប្រជែងដ៏មានសក្តានុពល។ ប៉ុន្តែការជ្រើសរើស លោកស្រីហារីសក៏បង្កនូវការព្រួយបារម្ភដ៏ពិតប្រាកនៅក្នុងថ្នាក់ដឹកនាំបក្សសាធារណរដ្ឋ។
លោកចូ បាយឌិន ចុងក្រោយបានធ្វើសម្បទាន។ លទ្ធផលដ៏អាក្រក់នៃការពិភាក្សាប្រឈម មុខនឹងគូប្រជែងរបស់លោក លោកដូណាល់ ត្រាំ កាលពីថ្ងៃទី២៧ ខែមិថុនា នៅលើប៉ុស្ត CNN និងការលបធ្វើឃាតប្រឆាំងនឹងលោកដូលណាល់ ត្រាំ នៅរដ្ឋ ពេនស៊ីវ៉ានី កាលពីថ្ងៃទី១៣ កក្កដា នឹងបង្កការលំបាកសម្រាប់យុទ្ធនាការបោះឆ្នោតសម្រាប់គណបក្សប្រជាធិបតេយ្យ ដែ លអាចនឹងចាញ់។
សមាជគណបក្សប្រជាធិបតេយ្យ ដែលនឹងប្រព្រឹត្តិទៅនៅចុងដំណាច់ខែសីហា គួរតែអាច កំណត់ឲ្យអនុប្រធានាធិបតីអាម៉េរិកក្លាយជាបេក្ខភាពប្រធានាធិបតីគណបក្សប្រជាធិបតេយ្យ។ ដោយរង់ចាំឱកាសនេះ នៅក្នុងគណបក្សសាធារណរដ្ឋ ជំរុំលោកដូណាល់ ត្រាំ គេនឹងសម្របខ្លួនដោយសប្បាយចិត្ត។ គេនឹងស្រូបយកពិន្ទុពីអ្នកបោះឆ្នោត និងបង្កើតយុទ្ធនាការសំអុលកេរ្តិ៍ឈ្មោះ ដែលបានចាប់ផ្តើមបន្តិចម្តងៗ ហើយ។
យុទ្ធនាការឃោសនាប្រធានាធិបតី បានផ្លាស់ប្តូរទិសដៅ។ លោកត្រាំបាត់បង់សត្រូវដ៏ខ្លាំង ដែលមជ្ឈដ្ឋាននៃកម្លាំងថាមពលផង និងភាពទន់ខ្សោយផង នៅក្នុងបក្សរបស់អតីតប្រធានាធិបតី។
រហូតមកដល់ពេលនេះ លោកដូណាល់ ត្រាំ ដែលមានអាយុ ៧៨ឆ្នាំ លែងអាចអួតពីអាយុដែលនៅតិចជាងលោកចូ បាយឌិន ដែលមានអាយុ ៨១ឆ្នាំ ទៀតហើយ។ ពីពេលនេះតទៅ អំណះអំណាងនេះលែងប្រើបានហើយ។ ប្រសិនបើបេក្ខភាពលោកស្រី ហារីស ត្រូវតែងតាំងជាផ្លូវការ លោកស្រីនឹងទើបតែមានអាយុ ៦០ឆ្នាំ ប៉ុណ្ណោះ នៅខែតុលា។
រហូតមកដលពេលនេះ លោកដូណាល់ ត្រាំ អាចទាញយកគុណប្រយោជន៍ពីរលកបីប្រភេទដើម្បីទទួលបានជ័យជម្នះ។ ដំបូង គឺកិច្ចពិភាក្សាអំពីឥទ្ធិពលដ៏បំផ្លិចបំផ្លាញសម្រាប់លោកចូ បាយឌិន ដែលបានបង្កើតកំហុសជាច្រើន វិបត្តិ និងមានការភ្លេចភ្លាំងច្រើន។ បន្ទាប់មកគឺការភន្តច្រឡំដោយមិនសមរបស់លោកចូ បាយឌិន ដែលបានហៅ លោកវ៉ូឡូឌីមៀ ហ្សេឡេនស្គីជំនួសដោយសត្រូវរុស្ស៊ី គឺលោកវ្លាឌីមៀ ពូទីន។ លោកចួ បាយឌិន ម្តងហើយម្តងទៀត ព្យាយាមរំឭកហៅឈ្មោះ រដ្ឋមន្រ្តីការពារជាតិរបស់លោក លោកឡ័យ អូស្ទីន ដោយនិយាយ រដ្ឋមន្រ្តីរបស់លោក បុរសស្បែកខ្មៅ។ ហើយបន្ទាប់មក គឺឥទ្ធពលនៃការអាណិតអាសូរដល់លោកដូណាល់ ត្រាំ ពាក់ព័ន្ធនឹងការធ្វើឃាត តែបានរួចខ្លួននៅរដ្ឋពេនស៊ីវ៉ានី កាលពីថ្ងៃទី១៣ ខែកក្កដា។
ជាលទ្ធផល លោកដូណាល់ ត្រាំ អាចក្លាយជាអ្នកនាំមុខនៃនៅក្នុងរដ្ឋមិនដាច់ស្រេចជាច្រើនក្នុងការគាំទ្រខាងសាធារណរដ្ឋ ឬប្រជាធិបតេយ្យ ដែលនេះនឹងអាចជួយឲ្យប្រែប្រួលលទ្ធផលការបោះឆ្នោតបាន។
យោងតាមសារព័ត៌មាន វ៉ាស៊ីនតុន ប៉ុស្តិ៍ អនុប្រធានាធិបតី បានផ្អែកលើអតីតកាលរបសលោកស្រីជារដ្ឋអាជ្ញាដើម្បីវាយប្រហារលោកត្រាំ កាលពីការបោះឆ្នោតឆ្នាំ២០២០ និងសួរថា តើលោកស្រីអាចធ្វើរឿងដូចគ្នានៅឆ្នាំ២០២៤ ដែរឬទេ?
យោងតាមការស្ទង់មតិ ដែលធ្វើឡើងកាលពីថ្ងៃអាទិត្យ លោកស្រីកាម៉ាឡា ហារីស ស្ថិតនៅពីក្រោយលោកដូណាល់ត្រាំ ពីរពិន្ទុ នៅកម្រិតជាតិ គឺ ៤៦% ទល់នឹង ៤៨%។
Daily Program
