ការកែប្រែចិត្តគំនិតត្រូវការជាចាំបាច់ក្នុងការដោះស្រាយវិបត្តិអាកាសធាតុ

លោកកាឌីណាល់នៃព្រះសហគមន៍កាតូលិកនៅកោះហុងកុង ស្តេហ្វិន ចូវ បានជំរុញឲ្យគ្រីស្តបរិស័ទធ្វើការកែប្រែចិត្តគំនិតដើម្បីរួមគ្នាដោះស្រាយបញ្ហាគ្រោះមហន្តរាយដោយបម្រែបម្រូលអាកាសធាតុ​។

លោកកាឌីណាល់បាននិយាយថា មនុស្សគ្រប់រូបត្រូវតែស្តាប់ព្រះវិញ្ញាណបរិសុទ្ធ ដែលត្រាស់ហៅយើងឱ្យប្រែចិត្តគំនិត" និង "ធ្វើការផ្លាស់ប្តូររបៀបរស់នៅ"។

លោកកាឌីណាល់បាននិយាយថា ការប្រែចិត្តគំនិតនេះតម្រូវឱ្យយើងលះបង់នូវភាព ក្រអឺតក្រទមរបស់យើង ចំពោះការប្រើប្រាស់ធនធានធម្មជាតិ និងបញ្ឈប់រាល់សកម្មភាព បោកបញ្ឆោត នានាដែលនាំឲ្យមនុស្សជាតិលង់នឹងអ្វីគ្រោះថ្នាក់។

លោកកាឌីណាល់បានសង្កត់ធ្ងន់លើតម្រូវការសម្រាប់សកម្មភាពដែលឆ្លើយតបជាបន្ទាន់ នឹងវិបត្តិអាកាសធាតុ ដោយគូសបញ្ជាក់ពីបញ្ហាប្រឈមបរិស្ថានដែលកំពុងប្រឈមមុខដោយហុងកុង។

លោក​កាឌីណាល់បាន​ពិពណ៌នា​ថា​៖ «​នៅ​ទីក្រុង​ហុងកុង យើង​កំពុង​ជួប​ប្រទះ​នឹង​បញ្ហាប្រែប្រួលអាកាសធាតុ​ខ្លាំង រួម​មាន​ថ្ងៃ​ក្តៅ​ខ្លាំង ព្យុះ​ទីហ្វុង​ខ្លាំង និង​ភ្លៀង​ធ្លាក់​ខ្លាំង ព»។

លោកកាឌីណាល់បានលើកឡើងបែបនេះ បន្ទាប់ពីព្យុះនិងគ្រោះធម្មជាតិមួយចំនួនបានចាប់ផ្តើមបោកបក់ប៉ះហុងកុង ជាពិសេសគឺពីសមុទ្រចិនខាងត្បូងដែលជាគ្រោះធម្មជាតិដំបូងប៉ះកោះនេះតាំងពីឆ្នាំ១៩៥០ មក៕