កាតូលិកវៀតណាម កំណត់គោលដៅអប់រំនិស្សិតទេវវិទ្យាល័យ

លោកបូជាចារ្យនិងគ្រូអប់រំជំនឿសម្រាប់និស្សិតទេវវិទ្យាល័យចំនួន៧០ រូប​មកពីទូទាំងប្រទេសវៀតណាម បានជួបប្រជុំគ្នានៅព្រះសហគមន៍កាតូលិកសាំសុន (Sam Son) ភូមិភាគថាញ់ហៅ (Thanh Hoa) ចូលរួមសិក្ខាសាលាស្តីអំពីគំរូនៃការអប់រំឆ្នាំ២០២៥។

សារព័ត៌មាន LiCAS News បានរាយការណ៍ថា កម្មវិធីនេះត្រូវបានរៀបចំឡើង​ក្រោមអធិបតីលោកអភិបាល យ៉ូសែប ដូ ក្វាងខាង (Joseph Do Quang Khang) ប្រធានគណៈកម្មការអប់រំបព្វជិត និងនិស្សិតទេវវិទ្យាល័យ។​

កម្មវិធីនេះត្រូវបានគេដឹងថា បានដំណើរការកាលពីដើមខែសីហាកន្លងទៅ ហើយផ្តោតលើការកែសម្រួលសមាមាត្រជាតិនិយមសម្រាប់អប់រំលោក​បូជាចារ្យនៅប្រទេសវៀតណាម។

លោកអភិបាលខាង បាន​លើកឡើងថា ​កិច្ចការ​ដ៏​សំខាន់ និង​មាន​អត្ថន័យ​នៃកម្មវិធីនេះ ​នឹង​កំណត់​អនាគត​​នៃ​ការ​បណ្ដុះបណ្ដាល​និស្សិតទេវវិទ្យាល័យ​ក្នុង​ប្រទេសមួយនេះ។

អ្នកដែលចូលរួមទាំងអស់គឺមកពីសាលាទេវវិទ្យាល័យដែលមាននៅវៀតណាមធំៗទាំង១១ កន្លែង ដើម្បីផ្តល់នូវមូលដ្ឋានអប់រំស្របតាមចក្ខុវិស័យរបស់ព្រះសហគមន៍កាតូលិក​ជាសកល៕