លោកកាឌីណាល់ ហ្វេ្រន ឡេអូ (Frank Leo) អគ្គអភិបាលព្រះសហគមន៍តូរ៉ុនតូ ប្រទេសកាណាដា ដែលមានវ័យ៥៣ ឆ្នាំ បានមានប្រសាសន៍ថា ពិភពលោកកំពុងតែត្រូវការការអប់រំខាងវិញ្ញាណបន្ថែមទៀតដើម្បីនាំយកនូវជីវិតថ្មីមួយរបស់ព្រះជាម្ចាស់មកសាបព្រោះនៅលើពិភពលោកសម័យនេ។
វ៉ាទីកង់ញូវបានរាយការណ៍ថា លោកកាឌីណាល់ ដែលមានវ័យក្មេងជាងគេបំផុតនៅក្នុងចំណោមកាឌីណាលថ្មីដែលទទួលការតែងតែងជាផ្លូវការនៅទីលានសន្តសិលា ចំនូន ២១ រូប កាលពីថ្ងៃសៅរ៍សប្តាហ៍មុនថា ការប្រកាសដំណឹងល្អគឺជាការប្រកាសចេញពីចិត្តដ៏ស្មោះសររបស់អ្នកដែលមានជំនឿ។
លោកកាឌីណាល់ បាននិយាយថា គាត់ពិតជារំភើបដែលបានទទួលឱកាស បម្រើសម្តេចប៉ាបតាមរបៀបថ្មីនេះ" និង "ជួបជាមួយខាឌីណាល់ដទៃទៀត ហើយជាពិសេសគឺឱកាសកសាងភាតរភាពជាមួយពួកគេ។
នៅពេលត្រូវបានសួរអំពីបញ្ហាប្រឈមដ៏ធំបំផុតមួយចំនួនដែលប្រឈមមុខចំពោះព្រះសហគមន៍សព្វថ្ងៃនេះ លោកកាឌីណាល់ បានរាយបញ្ជីសាសនានិយម និងការបែងចែកនយោបាយ នៅលើពិភពលោក។
លោកកាឌីណាលបាននិយាយថា កិច្ចការនេះត្រូវតែ “ចាប់ផ្តើមពីចិត្តមនុស្ស” និងទំនាក់ទំនងរបស់យើងជាមួយព្រះ៖ យើងត្រូវការ “ការភ្ញាក់ដឹងខ្លួនខាងវិញ្ញាណ” ដែលជាការបំផុសគំនិតយើងឱ្យ “នាំជីវិតថ្មីនៃព្រះ ចូលទៅក្នុង ពិភពលោកសព្វថ្ងៃនេះ។”
លោកបានបន្ថែមថា នៅក្នុងបរិបទនាពេលបច្ចុប្បន្ននេះ "ការយកចិត្តទុកដាក់ជាពិសេស" ចំពោះការថែទាំគ្រូគង្វាល និងមនុស្សវ័យក្មេងគឺមានសារៈសំខាន់តែម្តង។
លោកកាឌីណាល់បាននិយាយថា មនុស្សសព្វថ្ងៃនេះមិនងាយស្រួលទេពួកគេបានឆ្លងការ ការល្បួងច្រើន ភាពច្របូកច្របល់ក៏ច្រើន ហើយការថប់បារម្ភ និងការភ័យខ្លាចក៏ ច្រើន។
លោកកាឌីណាល់បាននិយាយថា នៅក្នុងស្ថានភាពនេះព្រះសហគមន៍ត្រូវតែ ជាអ្នកណែនាំ ប៉ុន្តែក៏ជាអ្នកស្តាប់ផងដែរ ពោលគឺ យើងត្រូវការការស្តាប់ដោយបេះដូង ស្តាប់នូវអ្វីដែលយុវវ័យកំពុងនិយាយ៕
Daily Program
