អង្គការសហប្រជាជាតិបញ្ចេញទឹកប្រាក់ ១០០លានដុល្លារ ដើម្បីបង្កើនល្បឿនការ ឆ្លើយតបនឹងវិបត្តិមនុស្សធម៌

នៅខណៈដែលការផ្តល់ហិរញ្ញប្បទានក្នុងកម្រិតពិភពលោកស្ថិតនៅក្នុងភាពងងឹត អង្គការ​សហ​ប្រជាជាតិបានបញ្ចេញទឹកប្រាក់ ១០០លានដុល្លារ​នៃមូលនិធិកណ្តាល​ ជាការអន្តរគមន៍​ដើម្បីកម្មវិធីមនុស្សធម៌បន្ទាន់ដើម្បីជួយការខ្វះខាតហិរញ្ញប្បទានសំខាន់​​នៅក្នុង ១០​ប្រទេស​នៃ​​​ទ្វីបអាហ្វ្រិក អាម៉េរិក អាស៊ី និងមជ្ឈិមបូព៌ា។

ច្រើនជាង ១ ភាគ ៣ នៃការផ្តល់ហិរញ្ញប្បទានថ្មីនៃនៃមូលនិធិឆ្លើយតបបន្ទាន់កណ្តាល ដែល​ចាត់ចែង​ដោយការិយាល័យនៃកិច្ចសហប្រតិបត្តិការនៃកិច្ចការមនុស្សធម៌នៃអង្គការសហ​ប្រជាជាតិ នឹងគាំទ្រប្រតិបត្តិ​ការ​ផ្តល់ជំនួយ​ទៅដល់ប្រទេសយ៉េមែន ២០លាន ដុល្លារ អេត្យូពី ១៥លានដុល្លារ ដែល​ប្រជាជន​ប្រទេសទាំងពីរបានប្រឈមមុខនឹងឥទ្ធិពល​រួមគ្នាពីកាអត់ឃ្លាន ការ​ផ្លាស់ទីលំនៅ​របស់​ប្រជាជន ជំងឺ និងមហន្តរាយអាកាសធាតុ។

កម្មវិធីថ្មីនៃការផ្តល់ហិរញ្ញប្បទាននឹងគាំទ្រផងដែរដល់កិច្ចសហប្រតិបត្តិការមនុស្សធម៌នៅក្នុង​ប្រទេសនានា​ដែលកំពុងក្លាយជាចំណីនៃជម្លោះជាច្រើនឆ្នាំ និងមានជនភៀសខ្លួន​ដែល​បាន​ធ្វើ​ឲ្យឈឺចាប់​ដោយការប៉ះទង្គិចផ្លូវចិត្ត និងស្រ្តេសដោយសារអាកាសធាតុទៀត។

ទឹកប្រាក់ដែលត្រូវផ្តល់ មានដល់ ភូមា ១២លានដុល្លារ ប្រទេសម៉ាលី ១១លានដុល្លារ បឺគីណា ហ្វ៉ាសូ ១០លានដុល្លារ ហៃទី ៩លានដុល្លារ កាំមឺរូន ៧លានដុល្លារ និងម៉ូហ្ស៉ំប៊ិច ៧លាន​ដុល្លារ​។

លោកស្រីច័យស៍ អឹមស៊ូយ៉ា អនុអគ្គនាយិកាសម្រាប់កិច្ចការ​មនុស្ស​ធម៌ និងជាអ្នកសម្រប​សម្រួល​ស្តី​ទី​នៃកម្មវិធីសង្រ្គោះបន្ទាន់ បានថ្លែងថា ៖ “នៅក្នុង​ស្ថានភាព​ជាច្រើន កង្វះខាត​ហិរញ្ញវត្ថុ​រារាំងអង្គការមនុស្សធម៌នានាអាច​ជួយទៅដល់​មនុស្ស​ដែល​ត្រូវការជំនួយចាំបាច់​បំផុត”។

ដោយទទួលស្គាល់ថា ការប្រែប្រួលអាកាសធាតុគឺជាកត្តាមួយគន្លឹះ​នៃតម្រូវការមនុស្សធម៌។ មួយផ្នែកនៃការកៀងគរថវិកានេះនឹងប្រើប្រាស់សម្រាប់លើកម្ពស់សកម្មភាពមនុស្សធម៌ប្រកបដោយ​បញ្ញាសម្រាប់ការប៉ះពាល់ដោយអាកាសធាតុ។

ប្រទេសដែលកំពុងជួបគ្រោះរាំងស្ងួត និងទឹកជំនន់ដែលបង្កឡើងដោយបាតុភូតអេល នីណូ ដូចជា ប៊ូរុនឌី គឺទទួលបាន ៥លានដុល្លារ ម៉ាឡាវីទទួលបាន ៤លាន ដុល្លារ ក៏រួមបញ្ចូល​នៅ​ក្នុង​ជំនួយ​ខាងលើដែរ។

លោកស្រីច័យស៍ អឹមស៊ូយ៉ា បានបន្ថែមថា ៖ ”ការផ្តល់ហិរញ្ញប្បទានរបស់មូលនិធិ​ឆ្លើយ​តប​បន្ទាន់ គឺជាការចាក់បញ្ចូលលុយ​នៅក្នុង​ការសង្រ្គោះចុងក្រោយដើម្បីបញ្ចៀស​ស្ថានភាព​អាក្រក់​បំផុត និងសង្រ្គោះជីវិត​នៅខណៈដែល​ការផ្តល់ហិរញ្ញប្បទានមនុស្សធម៌ដទៃៗ ទៀត មិនមានសមរម្យ។ វាគឺបន្ទាន់ដែលថា អ្នកផ្តល់​ជំនួយយល់ព្រមការផ្តោចអារម្មណ៍​ដែល​កើន​ឡើង និងត្រូវបានគាំទ្រ​សម្រាប់វិបត្តិខ្វះខាតហិរញ្ញប្បទាន។”

នេះគឺជាការកៀងគរលុយលើកទី២ នៃមូលនិធិឆ្លើយតបបន្ទាន់ សម្រាប់ស្ថានភាព​បន្ទាន់​ដែល​ខ្វះ​ហិរញ្ញប្បទាននៅឆ្នាំនេះ បន្ទាប់ពីការបញ្ចេញលុយ ១០០លានដុល្លារ កាលពីខែកុម្ភៈ សម្រាប់​ប្រទេសចំនួន ៧។ ការកៀងគរកាលពីខែកុម្ភៈមុន បានអនុញ្ញាតឲ្យអាចគាំទ្រ​ប្រតិបត្តិ​ការមនុស្សធម៌នានា​នៅប្រទេសឆាត សាធារណរដ្ឋប្រជាធិបតេយ្យកុងហ្គោ ប្រទេស​ហុងឌូរ៉ាស លីបង់ នីហ្សេ ស៊ូដង់ និងប្រទេសស៊ីរី។

នៅឆ្នាំនេះ សហគមន៍មនុស្សធម៌ស្វែងរកទឹកប្រាក់ប្រមាណ ៤៩ ពាន់លានដុល្លារដើម្បី​យក​មក​​ជួយមនុស្ស ១៨៧លាននាក់ ដែលស្ថិតនៅក្នុងចំណោម​ជនងាយ​រង​គ្រោះបំផុត​នៅ​ក្នុង​ស្ថានភាពវិបត្តិនៅក្នុងពិភពលោក។ បច្ចុប្បន្ន មានតែ ២៩% នៃមូលនិធិ​ ដែលបានទទួល។ នេះ​ធ្វើ​​ឲ្យមានការខ្វះខាតរហូតដល់ ៣៥ពាន់លានដុល្លារ។