វ៉ានូអាទូ ក្រុមការងារបស់អង្គការសហប្រជាជាតិចល័តកម្លាំង នៅខណៈដែលការ រញ្ជួយដីលើកទី២ វាយប្រហារ

ទីភ្នាក់ងាររបស់អង្គការសហប្រជាជាតិបានពង្រីកការឆ្លើយតបសម្រាប់ប្រទេសវ៉ានូអាទូ បន្ទាប់ ពីមានការរញ្ជួយដីមួយក្នុងកម្រិត ៧,៣ រិចទ័រ។ រញ្ជួយដីបានសម្លាប់មនុស្ស ១២នាក់ និងធ្វើ ឲ្យ​មានអ្នករបួស ២០០នាក់ កាលពីចុងខែធ្នូ។ ការរញ្ជួយដីលើកទី២ ក្នុងកម្រិត ៦,១ រិចទ័រ បាន​​បង្កការលំបាកកាន់តែខ្លាំងឡើងសម្រាប់សហគមន៍ក្នុងតំបន់។

មនុស្សជាង ៨០០០០នាក់ ទទួលរងផលប៉ះពាល់ដោយសារការរញ្ជួយដី។ មនុស្ស ១៧០០ នាក់ ត្រូវផ្លាស់ទីលំនៅជាបណ្តោះអាសន្ន។ មជ្ឈមណ្ឌលទទួលការជម្លៀស ទទួលមនុស្សជាង ១២០០នាក់។

តម្រូវការបន្ទាន់​ គឺពាក់ព័ន្ធនឹងការអាចប្រើប្រាស់ទឹកស្អាត ចំណីអាហារ និងការព្យាបាល​សុខភាព។ សហគមន៍នានា​ប្រឈមនឹង​ហានិភ័យដែលកើនឡើង​ពីជំងឺដែលពាក់ព័ន្ធនឹងទឹក​មិន​ស្អាត។

សេវាកម្មសុខភាពជួបស្ថានភាពលំបាកខ្លាំង។ មន្ទីរពេទ្យ​នៅប្រទេសវ៉ានូអាទូ ត្រូវការ​ការផ្គត់​ផ្គង់​ថ្នាំសង្កូវចាំបាច់ និងជំនួយដោយសហប្រតិបត្តិការគ្នា ដើម្បីបំពេញនូវអ្វីៗដែលខ្វះខាត​ខ្លាំង។

ដោយឆ្លើយតបនឹងការរីកធំឡើងនៃវិបត្តិ ជើងហោះហើរមនុស្សធម៌សហប្រតិបត្តិការមួយ​នៃ​សេវាកម្មហោះហើរដើម្បីមនុស្សធម៌បាស៊ីហ្វីក នៃកម្មវិធីចំណីអាហារពិភពលោក​របស់ អង្គការ​សហប្រជាជាតិ PAM បានចុះចតនៅទីក្រុងព័រវីឡា ហើយក៏នាំមកនូវសម្ភារៈអន្តរាគមន៍នៃ ទីភ្នាក់ងាររបស់អង្គការសហប្រជាជាតិ ដៃគូមនុស្សធម៌ និង​ការផ្តល់ការសង្រ្គោះផងដែរ។

ទីភ្នាក់ងារនានាមានដូចជាអង្គការសុខភាពពិភពលោក OMS មូលនិធិរបស់អង្គការសហ ប្រជាជាតិសម្រាប់កុមារ UNICEF និងមូលនិធិអង្គការសហប្រជាជាតិ​សម្រាប់ប្រជាជន UNFPA បានធ្វើការនៅក្បែរអាជ្ញារធរជាតិវ៉ានូអាទូ​ដើម្បីគាំទ្រការឆ្លើយតបនឹងគ្រោះ​មហន្តរាយ​នេះ។

មូលនិធិប្រជាជននៃអង្គការប្រជាជាតិ UNFPA បានតម្លើងតង់សម្រាប់មាតាមានទម្ងន់។ អង្គការ យូនីសេហ្វ បានបង្កើតតង់ជំរុំចំនួន ៤ ដើម្បីចាត់ចែងលំហូអ្នកជំងឺ និងពង្រាយសម្ភារៈ​ការពារកុមារដើម្បីគាំទ្រគ្រួសារនានា និងបុគ្គលិកសុខាភិបាលផងដែរ។

កម្មវិធីចំណីអាហារពិភពលោក​បានពង្រាយអ្នកឯកទេសនៃទូរគមនាគមន៍បន្ទាន់ដើម្បីស្តារ​នូវ​បណ្តាញទំនាក់ទំនងដែលត្រូវបានកាត់ផ្តាច់ និងសំខាន់សម្រាប់កិច្ចសហប្រតិបត្តិការ នៃការ​ជួយសង្រ្គោះ។ កម្មវិធីក៏ធ្វើការជាមួយការិយាល័យជាតិនៃការគ្រប់គ្រងគ្រោះមហន្តរាយ និង​ដៃគូ​​ដើម្បីវាយ​តម្លៃតម្រូវការពាក់ព័ន្ធនឹងសន្តិសុខស្បៀងអាហារ។

លើសពីនេះ មជ្ឈមណ្ឌលផ្កាយរណបនៃអង្គការសហប្រជាជាតិ UNOSAT បានធ្វើការវាយ​តម្លៃ​​ការខូចខាតដើម្បីតម្រង់ទិសនៃការប្រមូលផ្តុំធនធាន​ និងស្ថាបនា​អាទិភាព​នៅក្នុងតំបន់​ប៉ះ​ពាល់។ ដៃគូមនុស្សធម៌នានា​ដែលរួមមានគ្រូពេទ្យគ្មានព្រំដែន (MSF) ក៏ផ្គត់ផ្គង់ជំនួយនៅ​ទី​កន្លែង​នៅក្បែរក្រុមអន្តរាគមន៍ជាតិជួយសង្រ្គោះ។

លោកអាល់ហ្វា បា នាយកការិយាល័យពហុជាតិរបស់កម្មវិធីចំណីអាហារពិភពលោក នៅ តំបន់ប៉ាស៊ីហ្វីក ដែលមានមូលដ្ឋាននៅកោះហ្វីដជីបានបញ្ជាក់អំពីសារសំខាន់​នៃការឆ្លើយ តប​ឲ្យបានរហ័សសម្រាប់គ្រួសារជនរងគ្រោះ។ លោកបានថ្លែងថា ៖ “យើងកើតទុក្ខ ដោយសារ​ការ​​បាត់បង់​ជីវិតមនុស្ស និងការខូចខាតសម្ភារៈ ដែលបង្កឡើងដោយការរញ្ជួយដី។ កិច្ចខិចខំ​ប្រឹង​​ប្រែង​រួមគ្នា គឺមានសារសំខាន់ដើម្បីធានាថា ប្រជាជនរងគ្រោះអាចទទួលបាន នូវជំនួយ​ចាំ​បាច់ ​​និងងនៅ​ពេលដែលពួកគេត្រូវការ”។ ”កម្មវិធីចំណីអាហារពិភពលោកបានសន្យាជួយ​ការិយាល័យ​​ជាតិ​នៃការគ្រប់គ្រងគ្រោះមហន្តរាយ និងស្ថាបនជាតិដទៃៗទៀត ហើយបន្ត​ពង្រីក​​កិច្ចខិតខំប្រឹងប្រែង​ដើម្បីគាំទ្រការឆ្លើយតប​ប្រឈមមុខនឹងវិបត្តិនេះនៅវ៉ានូអាទូ"។​