អត្ថាធិប្បាយគម្ពីរដំណឹងល្អថ្ងៃទី១២ ខែសីហាឆ្នាំ២០២៣

អត្ថាធិប្បាយគម្ពីរដំណឹងល្អថ្ងៃទី១២ ខែសីហាឆ្នាំ២០២៣ តាមម៉ាថាយ ១៧,១៤-២០អត្ថាធិប្បាយដោយលោកអភិបាល សួន ហង្សលី

ជម្រាបសួរបងប្អូនជាទីស្រលាញ់ ថ្ងៃនេះខ្ញុំចែកសេចក្ដីអត្ថាធិប្បាយព្រះបន្ទូលដំណឹងល្អនៅថ្ងៃនេះ​ដែលយើងស្ដាប់នៅថ្ងៃទី១២​សីហា២០២៣ត្រូវនឹងអាទិត្យទី១៨រដូវធម្មតា។ ព្រះបន្ទូលដំណឹងល្អ​នៅ​ថ្ងៃនេះមានរៀបរាប់អំពីព្រះយេស៊ូដែលបានបណ្ដេញខ្មោចចេញពីក្មេងប្រុសឆ្កួតជ្រូកម្នាក់ហើយ​ក្មេងនោះក៍បានជាសះស្បើយ ហើយក្រុមសាវ័កគេក៍ឆ្ងល់ហើយបានសួរព្រះយេស៊ូថា ហេតុអីបាន​ជាគេមិនអាចដេញខ្មោចចេញពីគេនេះបានហើយព្រះយេស៊ូមានព្រះបន្ទូលថា មកពីអ្នករាល់គ្នា មានជំនឿតិចពេកហើយព្រះយេស៊ូថា ប្រសិនបើយើងចង់ដេញខ្មោចចេញពីពេលនេះគឺយើងត្រូវ​មា​ន​ជំនឿ​រឹងមាំ ប្រសិនបើអ្នករាល់គ្នាមានជំនឿប៉ិនគ្រាប់ពូជដ៍ល្អិត អ្នករាល់គ្នាអាចបញ្ជាភ្នំឱ្យរើពី​កន្លែង​មួយ​ទៅ​កន្លែងមួយទៀតបាន ដូច្នេះនេះជាអត្ថបទដំណឹងល្អមួយដែលណែនាំឱ្យរិះគិតអំពី​ជំនឿ​របស់​យើង យើងអាចសួរថាតើយើងមានជំនឿប៉ិនណាលើព្រះយេស៊ូ តើយើងមានជំនឿ​ប៉ុណ្ណាលើព្រះជាម្ចាស់​ អញ្ចឹងចង់ឱ្យខ្ញុំណែនាំនៅថ្ងៃនេះនឹងសូមឱ្យបងប្អូនរិះគិតដែរ តើយើងជឿ​ថា​ព្រះយេស៊ូ​​ជាអ្នកណា ប្រសិនបើយើងជឿថាព្រះយេស៊ូជាព្រះបុត្រារបស់ព្រះជាម្ចាស់ ព្រះអង្គ​ពិត​ជាព្រះសង្គ្រោះរបស់យើង ព្រះអង្គពិតជាព្រះគ្រីស្តនោះជំនឿមានន័យថាណែនាំឱ្យយើងផ្ញើ​ជីវិត​របស់​យើង​ព្រះអង្គ អញ្ចឹងណែនាំឱ្យយើងគិតអំពីសំណួរទី២​តើយើងសព្វថ្ងៃផ្ញើជីវិតទៅលើ​អ្នកណា តើយើងផ្ញើជីវិតទៅលើអ្វី យើងរស់នៅក្នុងសង្គមបច្ចុប្បន្នដែលមានអ្វីជាច្រើននៅក្នុង​លោក​នេះគឺមានការទាក់ទាញច្រើន មានបច្ចេកវិទ្យាថ្មីៗមានការប្រកួតប្រជែងនៅក្នុងសង្គមជា​ច្រើនដែរ ដូច្នេះឱ្យយើងសួរយើងផ្ញើជីវិតទៅលើអ្វី តើយើងផ្ញើជីវិតទៅលើទ្រព្យសម្បត្តិ តើយើង​ផ្ញើ​ជី​វិតទៅលើកិត្តិយសរបស់យើង តើយើងផ្ញើជីវិតទៅលើសមត្ថភាពរបស់ខ្លួនជាមនុស្សតែប៉ុណ្ណោះ អញ្ចឹងយើងអាចសួរថាជីវិតរបស់យើងស្ថិតនៅលើអ្នកណា ប្រសិនបើយើងមានជំនឿលើព្រះយេ​ស៊ូ យើងនឹងផ្ញើជីវិតរបស់យើងទៅលើព្រះយេស៊ូដោយសារយើងដឹងហើយមនុស្សយើងមិន​អាច​សង្គ្រោះជីវិតរបស់យើងបានទេ ដូច្នេះចំណុចទី២ដែលខ្ញុំចង់ចែករំលែកនៅថ្ងៃនេះ ប្រសិនបើយើង​មាន​ជំនឿលើព្រះយេស៊ូពិតប្រាកដមែន គឺណែនាំឱ្យយើងទាំងអស់គ្នាព្យាយាមអធិដ្ឋាន​នឹងការ​អធិ​ដ្ឋាន​​ដែលផុសមកពីជំនឿនេះជួយឱ្យយើងដេញសេចក្ដីអាក្រក់ជាច្រើន នៅក្នុងជីវិតរបស់យើង​ហើយយើងអាចជួយបងប្អូនឯទៀតៗរួចចេញពីសេចក្ដីអាក្រក់ដែរដែលព្រះយេស៊ូនៅថ្ងៃនេះដេញខ្មោចពីបុរសនោះក៍ប៉ុន្តែយើងជាព្រះសហគមន៍ យើងជាគ្រីស្តបរិស័ទក៍យើងអាចជួយឱ្យបងប្អូន​យើង​រួច​ពីទុក្ខលំបាកផ្សេងៗដែរ បានជាសព្វថ្ងៃព្រះសហគមន៍បានយកចិត្តទុកដាក់ជួយជម្ងឺផ្សេង​ៗនៅតាមកន្លែងនីមួយៗ ហើយអាចជួយណែនាំបងប្អូនខ្លះដែលជួបទុក្ខលំបាកនៅក្នុងចិត្ត​ហើយគេបានទទួលអំណរពីព្រះយេស៊ូវិញដែរ ដូច្នេះពេលណាយើងមានជំនឿលើ​ព្រះអង្គ​ច្បាស់​មាន​​ន័យថាយើងទាំងអស់គ្នាព្យាយាមអធិដ្ឋាននឹងទុកចិត្តលើព្រះអង្គហើយយើងអាចជួយបងប្អូន​ឯទៀតៗហើយជំនឿនេះជួយរំដោះជីវិតរបស់យើង នឹងចំណុចទី៣ពេលណាយើងជឿលើ​ព្រះយេ​ស៊ូយ៉ាងពិតប្រាកដមែនណែនាំឱ្យទាំងអស់គ្នាព្យាយាមរស់នៅ ដោយជំនឿរបស់យើងសម្រាប់បង​ប្អូន​ឯទៀតៗហើយយើងទាំងអស់គ្នានឹងទៅជាសាក្សីអំពីជំនឿរបស់យើងហើយចុងក្រោយគឺយើង​ទទួលជីវិតអសកល្បជានិច្ចដែលមកពីព្រះអង្គដែលព្រះយេស៊ូបានសន្យាថា នឹងប្រទានមកឱ្យ​យើង ហើយនឹងសូមជំនឿរបស់យើងជួយលើកទឹកចិត្តជួយផ្ដល់សេចក្ដីក្លាហានឱ្យយើងទាំង​អស់​គ្នាដើម្បីយើងរួមគ្នាកម្ចាត់សេចក្ដីអាក្រក់នៅក្នុងលោកនេះ នឹងជួយបងប្អូនយើងចាកចេញ​សេច​ក្ដីអាក្រក់ឆ្ពោះទៅកាន់សុភមង្គលយ៉ាងពេញលេញ។​អាម៉ែន៕