ស៊ីហ្គម៉ង ហ្វ្រឺដ ស្ថាបនិកវិធីព្យាបាលផ្លូវចិត្តតាមរបៀបចិត្តវិភាគ

លោកស៊ីហ្គម៉ង ហ្វ្រឺដ កើតនៅថ្ងៃទី៦ ខែឧសភា ឆ្នាំ១៨៥៦ នៅទីក្រុងហ្វ្រ៉េប៊ឺក ចក្រភពអូទ្រីស និងទទួលមរណភាពនៅថ្ងៃទី២៣ ខែកញ្ញា ឆ្នាំ១៩៣៩ នៅទីក្រុងឡុង ប្រទេសអង់គ្លេស។ លោកស៊ីហ្គម៉ង ហ្វ្រឺដ​គឺ​ជាប្រសាទ វិទូជនជាតិអូទ្រីស និងជាស្ថាបនិកចិត្តវិភាគ។

ជាគ្រូពេទ្យនៅទីក្រុងវីយ៉េន លោកហ្វ្រឺដ បានជួបបុគ្គលសំខាន់ៗ ជាច្រើនសម្រាប់​ការអភិវឌ្ឍ​ចិត្ត​វិភាគ ដែលលោកគឺជាអ្នកទ្រឹស្តីម្នាក់ដ៏សំខាន់។ មិត្តភាពលោកជាមួយលោកវីលហេម ហ្វ្លីស និងកិច្ចសហប្រតិបត្តិការជាមួយលោកចូសេហ្វ ប្រ៊ឺអើ រងឥទ្ធិពលពីលោក ហ្ស៉ង់ ម៉ាកតាំង ចាកកូត និងទ្រឹស្តីសណ្តំ នៃ​សាលាសាល់ពេទ្រីយ៊ែរ ប្រទេសបារាំង នាំ​ឲ្យលោកហ្វ្រឺដអាច​គិត​ដោយ​​ស៊ីជម្រៅទៅលើដំណើរការ​នៃចិត្តវិទ្យា។ របកគំហើញធំពីរដ៏ល្បី​ល្បាញ គឺការសិក្សាភេទ​របស់​​កុមារ និង​អសម្បជញ្ញៈ។ ទាំងនេះបាននាំឲ្យលោកអាចបង្កើត​បាន​ជា​ទ្រឹស្តី​ជាច្រើន ដែល​​ជំរុញឲ្យរាងកាយធ្វើសកម្មភាពដោយការ​ជំរុញពីចិត្ត។ ជាដំបូងបើ​ប្រៀប​ធៀប​នឹង​ទស្សន​​ទាននៃ​អសម្បជញ្ញៈ ដោយមានទំនាក់ទំនងជាមួយនឹងការស្រមៃ និង​សរសៃប្រសាទ បន្ទាប់​មកលោកបានស្នើ​តិចនិច​នៃការព្យាបាល គឺការព្យាបាលតាមចិត្ត​វិភាគ។   

នៅអំឡុងពេល​ធ្វើ​ដំណើរទៅអាម៉េរិកនៅឆ្នាំ១៩០៩ លោកហ្វ្រឺដ បង្ហាញមូលដ្ឋានគ្រឹះនៃតិច​និច​ចិត្តវិភាគនៅក្នុងមេរៀនចំនួន ៥នៃចិត្តវិភាគ។ គឺនៅក្នុងក្របខណ្ឌនៃការព្យាបាល គឺមាន​ការសិក្សានូវរោគខូចសតិ ហើយជាពិសេស​នៅក្នុងការវិភាគទីមួយរបស់លោក សម្រាប់ករណី​កុមារដូរ៉ា។ លោកហ្វ្រឺដ​ បានរកឃើញបន្តិចម្តងៗនៃសារសំខាន់នៃការចម្លងចិត្តគំនិត។

លោកហ្វ្រឺដ ប្រមូលផ្តុំ​ជំនាន់នៃអ្នកព្យាបាលផ្លូវចិត្ត មួយជំហានម្តងៗ រៀបចំ​ការវិភាគផ្លូវចិត្ត ដំបូង​នៅអូទ្រីស បន្ទាប់មកនៅស្វីស នៅប៊ែរឡាំង ប៉ារីស ក្រុងឡុង និងនៅសហរដ្ឋអាម៉េរិក។

ទោះបីជាមានការបែកបាក់ផ្ទៃក្នុង និងការរិះគន់ ចិត្តវិភាគនៅតែក្លាយជាផ្នែកមួយដ៏សំខាន់​នៃ​វេជ្ជសាស្រ្ត ដូចជា​វិន័យថ្មីមួយនៃវិទ្យាសាស្រ្តមនុស្សជាតិ ចាប់តាំងពីឆ្នាំ១៩២០។ នៅឆ្នាំ​១៩៣៨ លោកហ្វ្រឺដ ត្រូវបានរងការគំរាមកំហែងពីរបបណាហ្ស៊ី និង​ចាកចេញពីទីក្រុង​វីយ៉េន ដើម្បី​​ធ្វើនិរទេសទៅទីក្រុងឡុង ដែលលោកបានស្លាប់ដោយជំងឺមហារីក​ថ្គាម​នៅឆ្នាំ១៩៣៩។

ពាក្យចិត្តវិភាគ បានលេចឡើងដំបូង​នៅឆ្នាំ១៨៩៦ នៅក្នុងអត្ថបទសរសេរ​ជាបារាំង ដែល​ផ្សព្វ​ផ្សាយ​​នៅថ្ងៃទី៣០ ខែមីនា ឆ្នាំ១៨៩៦ បន្ទាប់មកជាភាសាអាឡឺម៉ង ថ្ងៃទី១៥ ខែឧសភា ឆ្នាំ​១៨៩៦។ នៅក្នុងសេចក្តីណែនាំសម្រាប់ចិត្តវិភាគ លោកហ្វ្រឺដ សរសេរថា ចិត្តវិភាគ​ផ្អែក​ទៅលើសមតិកម្មជាច្រើន និង​ទស្សនទាន​ដែលរៀបចំឡើងដោយលោកហ្វ្រឺដ។ ក្នុងនាម​វិទ្យាសាស្រ្ត ចិត្តវិភាគ​ត្រូវ​កំណត់លក្ខណៈ​ដោយតិចនិច​ដែលវាផ្តល់តិចនិចនៃការព្យាបាល​ គឺ​ជាការអភិវឌ្ឍនៃការព្យាបាល​ដោយធ្វើការវិភាគផ្លូវចិត្ត។  សមតិកម្មនៃអសម្បជញ្ញៈធ្វើឲ្យកាន់តែស៊ីជម្រៅ​នៃទ្រឹស្តីចិត្តវិភាគ។ បន្តិចម្តងៗ ទស្សនទាន​នានា​នឹងអភិវឌ្ឍ ឬធ្វើឲ្យវាស្មុគស្មាញ​នៃទ្រឹស្តី​ចិត្តវិភាគ ដែលលោកហ្វ្រឺដ ពិព៌នាថា ដូច​ជា​វិទ្យាសាស្រ្តអសម្បជញ្ញៈ​ដែលរស់រវើកជានិច្ច ហើយក៏ដឹងអំពីដំណើរការផ្លូវចិត្ត និងការ​ព្យាបាលផងដែរ។

នៅទសវត្សឆ្នាំ១៩៩០ នៅសហរដ្ឋអាម៉េរិក ការជជែកវែកញែក​នៅក្នុងសារព៌មាន ដោយ​មិន​ញញើត​​ថា ចិត្តវិភាគ​គឺឆ្លុះបញ្ជាំងអំពីបុគ្គលិកលក្ខណៈផ្ទាល់របស់លោកហ្វ្រឺដ។

ចំណែកលោក កាល ផូបភើ អ្នកទស្សនវិទូវិទ្យាសាស្រ្តជារឿយៗ បរិហារ​ការថ្លែងរបស់​ចិត្ត​វិភាគ លោកចាត់ទុកថា វាដូចជាប្រឆាំងវិទ្យាសាស្រ្ត។

ទោះជាយ៉ាងណាក្តី អ្វីៗ ដែលបង្កើតឡើងដោយលោកហ្វ្រឺត ទោះបីជាត្រូវបានរិះគន់ ឬអត់ វា​នៅ​តែរក្សាបានទីតាំង​នៅក្នុងវប្បធម៌លោកខាងលិច។