លោកវីតាលី គ្លីតឆ្កូ កំពូលកីឡាករប្រដាល់ពិភពលោក និងជាអ្នកនយោបាយខ្លាំង នៅ អ៊ុយក្រែន

លោកវីតាលី គ្លីតឆ្កូ គឺជាអ្នកប្រដាល់ និងអ្នកនយោបាយដ៏ល្បីរបស់អ៊ុយក្រែន។ លោកកើត​នៅ​ថ្ងៃទី១៩ ខែកក្កដា ឆ្នាំ១៩៧១ នៅទីក្រុងបេលឡូវ៉ូស្ក័រអេ សាធារណរដ្ឋសង្គមនិយមសូវៀត គៀហ្គីហ្ស៉េ។ លោកវីតាលី គ្លីតឆ្កូ ក៏ជាម្ចាស់ពានរង្វាន់កីឡាប្រដាល់ទម្ងន់ធ្ងន់ពិភពលោក WBC ផងដែរ។

នៅឆ្នាំ២០១៤ បន្ទាប់ពីបានចូលរួមក្នុងចលនាបដិវត្ត អឺរ៉ូ ម៉ៃដាន នៅអ៊ុយក្រែន លោកត្រូវបាន​បោះឆ្នោតជាប់ជាចៅហ្វាយក្រុងគៀវ។ ជាបន្តបន្ទាប់ លោកគឺជាប្រធាន​ចលនាប្រជាធិបតេយ្យ​អ៊ុយក្រែនសម្រាប់កំណែទម្រង់ ពីឆ្នាំ២០១០-២០១៥ និងជាប្រមុខក្រុម ប៉េត្រូ ប៉ូរ៉ូចិនកូ “សាម​គ្គី​ភាព” ពីឆ្នាំ២០១៥-២០១៩។

លោកវីតាលី គ្លីតឆ្កូ គឺជាបណ្ឌិតវិទ្យាសាស្រ្ត និងតិចនិចនៃសកម្មភាពរូបវិទ្យា និងកីឡា នៅ​សកល​វិទ្យាល័យ​ទីក្រុងគៀវ។

នៅថ្ងៃទី១១ ខែតុលា ឆ្នាំ២០០៨ លោកបានចេញដំណើរទៅទីក្រុងប៊ែរឡាំង ប្រទេសអាឡឺម៉ង ដើម្បីវាយដណ្តើមយកខ្សែក្រវ៉ាត់ប្រដាល់ពិភពលោក WBC ពីកីឡាករនីហ្សេរីយ៉ា សាមូអែល ភីធើ ដោយវាយគេឲ្យសន្លប់នៅទឹកទី៩។

នៅថ្ងៃទី១៦ ខែធ្នូ ឆ្នាំ២០១៣ លោកវីតាលី គ្លីតឆ្កូ បានផ្អាកប្រដាល់ ​និងព្យួរពានរង្វាន់​ WBC ដើម្បីបូជាខ្លួនទៅក្នុងនយោបាយ​ប្រទេសរបស់លោក។

លោកវីតាលី គ្លីតឆ្កូ ឈឈ្មោះឲ្យគេបោះឆ្នោតជាតំណាងទីក្រុងគៀវ នៅឆ្នាំ​២០០៦ ក្នុង​នាម​ជា​ប្រមុខ​​នៃបញ្ជី​របស់ក្រុមសម្ព័ន្ធគណបក្សរួបរួម ប៉ូរ៉ា និងគណបក្ស កំណែទម្រង់ និង​សណ្តាប់ធ្នាប់ ជាមួយនឹងកម្មវិធីនយោបាយ​ដែលមានមូលដ្ឋានគ្រឹះលើការប្រឆាំង​នឹងអំពើ​ពុក​រលួយ។ នៅឆ្នាំ២០១០ លោកវីតាលី គ្លីតឆ្កូ បានដឹកនាំសម្ព័ន្ធគណបក្ស​ប្រជាធិបតេយ្យ​អ៊ុយក្រែន​​សម្រាប់​កំណែទម្រង់ (UDAR)។ ដោយឈលេខរៀងទី១​សម្រាប់ការបោះឆ្នោត​សភា​អ៊ុយក្រែន នៅឆ្នាំ២០១២ លោកបានក្លាយជាតំណាងរាស្រ្ត។ គណបក្សរបស់លោក បាន​ទទួល ៤០ អាសនៈ ។

លោកវីតាលី គ្លីតឆ្កូ គឺជាមេដឹកនាំម្នាក់​នៃបាតុកម្មគាំទ្រអឺរ៉ុប​ពីឆ្នាំ២០១៣ ដល់ឆ្នាំ២០១៤ នៅ​ប្រទេស​អ៊ុយក្រែន។ លោកសន្យា​ឈឈ្មោះជាបេក្ខភាពសម្រាប់ប្រធានាធិបតី​នៅឆ្នាំ២០១៤ បន្ទាប់ពីការដកតំណែងរបស់ប្រធានាធិបតី វីកទ័រ ឡានូ​កូវីត។

លោកវីតាលី គ្លីតឆ្កូ ត្រូវបានជាប់ឆ្នោតជាចៅហ្វាយទីក្រុងគៀវ នៅថ្ងៃទី២៥ ខែឧសភា ឆ្នាំ​២០១៤ និងជាប់ឆ្នោតម្តងទៀត​នៅថ្ងៃទី១៥ ខែវិច្ឆិកា ឆ្នាំ២០១៥ ជាមួយនឹងសម្លេង ៦៤,១០%។

ក្រោមមក លោកវីតាលី គ្លីតឆ្កូ បានឈឈ្មោះក្បាលបញ្ជីនៃសម្ព័ន្ធគណបក្ស ប៉េត្រូ ប៉ូរ៉ូចិនកូ សម្រាប់​ការបោះឆ្នោតនីតិបញ្ញត្តិដែលធ្វើឡើងនៅថ្ងៃទី២៦ ខែតុលា ឆ្នាំ២០១៤។

នៅថ្ងៃទី២៨ ខែតុលា ឆ្នាំ២០១៥ បន្ទាប់ពីការរលាយចូលគ្នានៃសម្ព័ន្ធគណបក្ស​ប្រជាធិបតេយ្យ​អ៊ុយក្រែន​​សម្រាប់កំណែទម្រង់ (UDAR) និងក្រុមរបស់លោកពេត្រូ ប៉ូរ៉ូចិនកូ លោកវីតាលី គ្លីតឆ្កូ បានដឹកនាំគណបក្សថ្មីនេះ នឹងក្លាយជាប្រធាននៃក្រុមប្រឹក្សា​កណ្តាល​អ៊ុយ​ក្រែន។ ប៉ុន្តែ​លោក​បានប្រកាសលាលែងតំណែងនេះ​នៅខែ​ឧសភា ឆ្នាំ២០១៦ ដោយហេតុផលនៃច្បាប់ថ្មី​ដែលហាមឃាត់​ប្រធាន​ក្នុងការចូលរួមជាមួយ​គណបក្សនយោបាយ។

នៅថ្ងៃទី២ កុម្ភៈ ឆ្នាំ២០២២ លោកវីតាលី គ្លីតឆ្កូ សច្ចាការពាររដ្ឋធានីអ៊ុយក្រែន និងកាន់អាវុធ​នៅ​ដៃក្នុងករណីមានការឈ្លានពានរបស់រុស្ស៊ី។ នៅពេលដែលការឈ្លានពាន​របស់រុស្ស៊ីក្លាយ​ជា​ការ​ពិត​នៅ ៣សប្តាហ៍ក្រោមមក លោកវីតាលី គ្លីតឆ្កូ បដិសេធ​បោះបង់ចោល​ទីក្រុង នៅ​ក្នុង​សមរភូមិ​ទីក្រុងគៀវ ហើយលោកសម្រេចចិត្តចេញទៅសមរភូមិ​មុខជាមួយនឹង​បងប្អូនរបស់​លោក គឺលោកវ្លាឌីមៀ។