លោកជុន ជុងគុក គឺជាតារាចម្រៀងប្រុស អ្នករាំ អ្នកនិពន្ធភ្លេងដ៏ល្បីល្បាញ របស់កូរ៉េ ខាង ត្បូង។ លោកក៏ជាសមាជិកនៃក្រុមអ្នកចម្រៀងប្រុស BTS ផងដែរ។
លោកជុងគុក កើតនៅថ្ងៃទី១ ខែកញ្ញា ឆ្នាំ១៩៩៧ នៅទីក្រុងប៊ូសាន ប្រទេសកូរ៉េខាងត្បូង។ លោកជុងគុកក៏ជាកីឡាករឆ្នើមតៃខ្វាន់ដូខ្សែក្រវ៉ាត់ខ្មៅផងដែរ។
បន្ទាប់ពីបានចូលរួមជាមួយក្រុមហ៊ុនកំសាន្ត Big Hit លោកជុងគុក ចុះឈ្មោះចូលរៀន នៅសាលាមធ្យមសិក្សា បែកយ៉ាង និងនៅទីក្រុងសេអ៊ូល និងរៀននៅសាលាសិល្បៈសម្តែង។
កាលពីថ្ងៃទី៧ ខែកុម្ភៈ លោកបានទទួលសញ្ញាបត្រពីសាលាសិល្បៈសម្តែងទីក្រុងសេអ៊ូល។ នៅវ័យក្មេង ក្តីស្រមៃរបស់លោកគឺក្លាយជាអ្នកលេងកីឡា បាកមីនតុន។ នៅសាលា លោកបានចូលរួមជាមួយក្រុមរាំ ប៊ី ប៊យយ៉ីង។
នៅអាយុ ១៣ឆ្នាំ លោកជុងគុក បានចូលរួមឆាកសម្រាប់កម្មវិធីផ្សព្វផ្សាយ ទេពកោសល្យ Superstar K3។ នៅឆ្នាំ២០១២ នៅអាយុ ១៤ឆ្នាំ លោកជុងគុកបានទៅទីក្រុងឡូស អេនចេឡេស សហរដ្ឋអាម៉េរិក រយៈពេល ១ខែ និងរៀនប្រភេទនៃការរាំជាច្រើននៅសាលារបាំចលនាស្ទាយជីវិត។
លោកជុងគុក ចុះហត្ថលេខាកុងត្រាជាមួយក្រុមហ៊ុនកំសាន្ត Big Hit និងក្លាយជាសមាជិកក្រុម BTS។ លោកចាប់ផ្តើមជាមួយក្រុមBTS នៅថ្ងៃទី១៣ ខែមិថុនា និងបញ្ចេញបទចម្រៀងទីមួយ ចំណងជើងថា No More Dream ដែលជាផ្នែកនៃអាល់ប៊ុមចម្រៀង 2 Cool 4 Skool។
លោកជុងគុក គឺជាអ្នកចម្រៀងសំខាន់ អ្នកដឹកនាំរាំ និងជាអ្នករាំរ៉េបនៃក្រុម BTS។ បទចម្រៀង Begin ដែលមាននៅក្នុង អាល់ប៊ុមចម្រៀង Wings នៅឆ្នាំ ២០១៦ គឺជាបទចម្រៀងដំបូងដែល ច្រៀងម្នាក់ឯកដោយលោកជុងគុក។
លោកជុងគុក បានសហការជាមួយអ្នកចម្រៀងកូរ៉េដទៃៗ ទៀត ព្រមជាមួយមេដឹកនាំនយោបាយសម្រាប់ការច្រៀងបទចម្រៀង One Dream One Korea។
នៅថ្ងៃទី៦ ខែមករា ឆ្នាំ២០១៧ លោកជុងគុក បានច្រៀងចម្រៀងលំនាំបទ We Don’t Talk Anymore ដែលជាចម្រៀងប្រភពដើមរបស់ ឆាកលី ភុត និង សេឡឺណា ហ្គោម៉េ នៅលើ បណ្តាញសង្គម Twitter របស់ BTS។
ជាថ្មីម្តងទៀត លោកជុងគុក បានសហការជាមួយ ឆាកលី ភុត នៅពេលចេញបទ Left and Right នៅថ្ងៃទី២៤ ខែមិថុនា ឆ្នាំ២០២២។
លោកជុងគុក បានផ្សាយជាទៀងទាត់នូវបទចម្រៀងនៅលើបណ្តាញសង្គម SoundCloud នៃក្រុម BTS។ កាលពីថ្ងៃទី៤ ខែមិថុនា ឆ្នាំ២០២០ លោកជុងគុក បានផ្សព្វផ្សាយចម្រៀង Still With You ដែលស្តាប់ដោយសេរីនៅលើអ៊ីនធឺណិត នៅក្នុងក្របខណ្ឌនៃការប្រារព្ធកម្មវិធីខួបប្រចាំឆ្នាំនៃការចាប់ផ្តើមរបស់ក្រុម BTS។ នេះជាចម្រៀង ដែលលោកជុងគុក និពន្ធ និងច្រៀងផ្ទាល់។
នៅថ្ងៃទី២០ វិច្ឆិកា ឆ្នាំ២០២២ លោកជុងគុក បានច្រៀងចម្រៀងបទ Dreamers ដោយឡើងសម្តែងលើឆាក នៅអំឡុងកម្មវិធីបើកការប្រកួតពានរង្វាន់បាល់ទាត់ពានរង្វាន់ពិភពលោក ឆ្នាំ២០២២ នៅប្រទេសកាតា។ បទចម្រៀងនេះ គឺជាផ្នែកនៃអាល់ប៊ុមចម្រៀងផ្លូវការដើមនៃក្រុម BTS។ នៅអំឡុងការសម្តែងរបស់លោកនៅពេលបើកកម្មវិធីនៅពហុកីឡាដ្ឋាន អាល់ បាអ៊ី នៅទីក្រុង អាល់ឃ័រ ប្រទេសកាតា លោកជុងគុក ច្រៀងចម្រៀងជាមួយអ្នកចម្រៀង កាតា លោកហ្វ៉ាហាត អាល់ គូបៃស៊ី។ លោកជុងគុក គឺជាតារាសិល្បៈកូរ៉េខាងត្បូងដំបូង ដែលសម្តែងសិល្បៈតន្រ្តីជាផ្លូវការនៃពានរង្វាន់បាល់ទាត់ពិភពលោក ហើយសម្តែងនៅអំឡុងកម្មវិធីបើកព្រឹត្តិការណ៍នេះ។
លោកជុងគុក ក៏បានចេញអាល់ប៊ុមចម្រៀងទោលទី១ អាល់ប៊ុម Golden។ អាល់ប៊ុមចម្រៀងនេះ ត្រូវបានចាត់ថ្នាក់លេខ១ នៃសប្តាហ៍ទី១ នៃខែវិច្ឆិកា ឆ្នាំមុន នៅប្រទេសបារាំង។
Daily Program
