នាយករដ្ឋមន្រ្តីកម្ពុជាបាននិយាយចំៗបញ្ហាពាក់ព័ន្ធនឹងស្ថានភាពនៅក្នុងវិស័យសុខាភិបាល ជាពិសេសពលរដ្ឋដែលប្រើប្រាស់ប័ណ្ណបណ្ណសមធម៌ ឫ បណ្ណប.ស.ស ។
នៅក្នុងកម្មវិធី“បើកសប្តាហ៍គាំពារសង្គមកម្ពុជា ឆ្នាំ២០២៥ និងប្រកាសដាក់ឱ្យអនុវត្ត ជាផ្លូវការ ក្របខណ្ឌគោលនយោបាយជាតិ គាំពារសង្គម ឆ្នាំ២០២៤-២០៣៥” សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានប្រកាសឲ្យក្រសួងនានាជាពិសេសក្រសួងសុខាភិបាល ក្រសួងការងារនិងបណ្តុះបណ្តាលវិជ្ជាជីវៈ ក្រសួងផែនការ ក្រសួងសេដ្ឋកិច្ចនិងហិរញ្ញវត្ថុ ព្រមទាំងក្រសួងសង្គមកិច្ចត្រូវសហការគ្នាធ្វើយ៉ាងណាពង្រឹងគុណភាពសេវាកម្មសុខភាព និងលើកកំពស់តម្លាភាព ព្រមទាំងលុបបំបាត់នូវបញ្ហាអសកម្មនានា ពាក់ព័ន្ធនឹងការប្រើប្រាស់បណ្ណសមធម៌និងបណ្ណប.ស.ស ។
នាឱកាសនោះសម្តេចធិបតី ក៏បានបានប្រកាសលើកទឹកចិត្តឲ្យប្រជាពលរដ្ឋគ្រប់រូប ត្រូវតែហ៊ានរាយការណ៍ ចំពោះគ្រូពេទ្យណា ដែលមិនរើសអើងក្នុងការពិនិត្យ និងផ្តល់សេវាព្យាបាលដល់ប្រជាពលរដ្ឋ អ្នកជំងឺដែលប្រើប្រាស់បណ្ណសមធម៌ និងបណ្ណ ប.ស.ស ។
សម្តេចធិបតីបានលើកឡើងថា ស្ថាប័នពាក់ព័ន្ធត្រូវធ្វើការនេះ ជាពិសេសគឺត្រូវតែធ្វើយ៉ាងណាឲ្យសេវាបង់ប្រាក់ក្តី សេវាប.ស.សក្តី ក៏ដូចជាបណ្ណសមធម៌ក្តីគឺទទួលបានគុណភាពនិងសេវាកម្មផ្នែកសុខភាពដូចគ្នាដោយមិនមានការរើសអើង ។
មកដល់ពេលនេះទោះបីជាស្ថានភាពវាប្រសើរជាងមុន ប៉ុន្តែទោះបីជាយ៉ាងណាក៏ដោយក៏នៅក្នុងចំណោមពលរដ្ឋដែលកំពុងតែប្រើប្រាស់សេវាប.ស.ស នៅតែមានអារម្មណ៍ថា ហាក់មិនទាន់ស្មើភាពជាមួយនឹងសេវាបង់ប្រាក់ ប៉ុន្តែការលើកឡើងរបស់ប្រមុខរដ្ឋាភិបាលកាលពីម្សិលមិញនេះ រំពឹងថា នឹងក្លាយជាប្រទីបបំភ្លឺផ្លូវ និងជាមគ្គុទេសមួយឈានទៅធ្វើឲ្យសេវាកម្មសុខាភិបាលកម្ពុជាកាន់តែប្រសើរ ហើយការប្រើប្រាស់បណ្ណបស.ស ក៏ដូចជាបណ្ណសមធម៌មានតម្លៃសម្រាប់ប្រជាពលរដ្ឋទាំងអស់ ។
ផ្អែកតាមអនុសាសន៍នេះ យើងខ្ញុំពិតជាសង្ឃឹមក្រុមគ្រូពេទ្យ វេជ្ជបណ្ឌិតនិងអ្នកដែលពាក់ព័ន្ធនឹងកាន់តែផ្តល់នូវសេវាកម្មកាន់តែមានប្រសិទ្ធភាព ដើម្បីយ៉ាងណាក៏ដោយធានាសេចក្តីសុខនិងសុវត្តិភាពជូនប្រជាពលរដ្ឋកម្ពុជា ឲ្យមានស្តង់ដាសុខភាពនិងគុណភាពជីវិតកាន់តែប្រសើរ ។
សុខភាពសំខាន់ណាស់ ប្រសិនបើសុខភាបមិនល្អ ទោះបីមនុស្សមានប្រាជ្ញារនិងសមត្ថភាពប៉ុណ្ណាក៏មិនអាចចូលរួមវិភាគទានដល់សង្គមបានពេញលេញដែរ ប៉ុន្តែបើសង្គមយើងពង្រឹងចំណុចនេះបាន នោះ វាគឺជាកូនសោមួយដែលយើងអាចនឹងដោះបញ្ហាអសកម្មមួយផ្នែកពីសង្គមរបស់យើង ។សូម លើកកំពស់ប្រសិទ្ធភាព និង គុណភាពសេវាសុខភាព និង សេវាការពានសុខមាលភាពសង្គមនៅកម្ពុជាឲ្យកាន់តែប្រសើរ ។
Daily Program
