ក្នុងរយៈពេលប៉ុន្មានឆ្នាំចុងក្រោយនេះ ការលេងល្បែងស៊ីសងអនឡាញបានកើនប្រជាប្រិយភាពនៅទូទាំងប្រទេសកម្ពុជា ដែលជំរុញដោយការរីករាលដាលនៃអ៊ីនធើណែត និង កំណើននៃភាពងាយស្រួលនៅក្នុងការទទួលបានទូរសព្ទវ័យឆ្លាត ។
ជាមួយនឹងភាពសំបូរបែបនៃទូរស័ព្ទវ័យឆ្លាតទាំងនេះបានធ្វើឲ្យពលរដ្ឋកម្ពុជាងាយស្រួលនឹងចូលទៅកាន់ និងអាចប្រើប្រាស់នូវកម្មវិធី ប្រព័ន្ធផ្សព្វផ្សាយសង្គមជាច្រើនដូចជា Facebook និង TikTok។ បណ្តាញសង្គមទាំងនេះ ជាកត្តាជំរុញដ៏សំខាន់ក្នុងការផ្សព្វផ្សាយអំពីល្បែងស៊ីសងតាមអនឡាញ ដែលធ្វើឲ្យពលរដ្ឋអាចងាយស្រួលធ្លាក់ខ្លួនទៅក្នុងអំពើអបាយមុខនៃសង្គមនេះបានដោយងាយនិងស្ងាត់កំបាំងបំផុត។
ល្បែងស៊ីសង់តាមអនឡាញទាំងនេះ បានកំពុងតែសំងំបំផ្លាញទ្រព្យសម្បត្តិពលរដ្ឋដោយស្ងាត់ស្ងៀមបំផុត ដែលយើងចាំបាច់ត្រូវតែយកចិត្តទុកដាក់និងប្រុងប្រយ័ត្នដើម្បីបង្កាខ្លួនយើងពីការចាញ់បោកក្រោមខិលខូចទាំងនេះ ។
ការផ្សព្វផ្សាយយ៉ាងសកម្មដោយក្រុមខិលខូចបង្កើតលល្បែងស៊ីសងអនឡាញគឺជាកង្វល់ដ៏សំខាន់មួយ ដែលពួកវាកំពុងតែដាក់អន្ទាក់អ្នកដែលខ្វះការពិចារណាតាមរយៈ ការផ្សាយពាណិជ្ជកម្មដែលបង្ហាញពីការសន្យានៃទទួលបានប្រាក់យ៉ាងងាយស្រួល និងរបៀបរស់នៅហ៊ឺហារ។
ជាទូទៅរាល់ឈុតឆាកនៃការផ្សព្វផ្សាយរបស់ក្រុមនេះគឺបង្ហាញអំពីជីវភាពដ៏ប្រណិត ប៉ុន្តែតាមពិតវាគឺជាជាយុទ្ធសាស្រ្តដើម្បីទាក់ទាញបុគ្គល ជាពិសេសយុវវ័យ។ កម្មវិធីទាំងនេះជារឿយៗវាបង្កប់នៅក្នុងហ្គេម នៅក្នុងកម្មវិធីផ្សេងៗ ដែលពលរដ្ឋកំពុងតែប្រើប្រាស់។
សម័យមុនអ្នកដែលងប់នឹងល្បែងគឺចូលកាស៊ីណូ តែឥឡូវលុយក៏នៅក្នុងទូរសព្ទ ល្បែងស៊ីសងក៏នៅក្នុងទូរសព្ទ ចឹងវាមានភាពងាយស្រួលបំផុតនៅក្នុងការសាកល្បង ។
អ្នកដែលបង់មិនចាំបាច់ចំណាយពេលធ្វើដំណើរទេ គឺវាងាយស្រួលបំផុតហើយគេអាចលេងបានគ្រប់ទីកកន្លែងគ្រប់ពេលវេលា គឺតាមតែទូរស័ព្ទប៉ុណ្ណោះ ដូច្នេះហើយគួរតែមានការប្រុងប្រយ័ត្នឲ្យមែនទែន ។
ល្បែងនេះនរណាក៏អាចលេងហើយនរណាក៏អាលង់បានដែរ ដូច្នេះសូមគ្រប់គ្នាប្រុងប្រយ័តុ្ន ហើយរាល់សាល រាល់ការផ្សព្វផ្សាយពាណិជ្ជកម្មនានា នៅពេលដែលលោតមក សូមអូសរំលង កុំមើលវា ហើយកុំយកខ្លួនទៅសាកល្បងនឹងវា ។
ដោយសារតែវាមានភាពងាយស្រួលលេង យើងក៏ងាយស្រួលនឹងចាញ់ ហើយយើងក៏មិនដឹងថា ចាញ់អ្នកណាទេ ពីព្រោះអ្វីៗគឺនៅលើអនឡាញ ។
សរុបទៅសូមលើកកំពស់ការប្រុងប្រយ័ត្ន ហើយអ្នកជំនាញជាពិសេសគឺសមត្ថកិច្ចគួរតែពង្រឹងការការអភិវឌ្ឍន៍បច្ចេកវិទ្យាដើម្បីរាំងខ្ទប់ ឬក៏ទប់ស្កាត់នូវរាល់កម្មវិធីផ្សព្វផ្សាយអកុសលទាំងនេះ។ ក្រៅពីនោះអ្នកដែលដឹងបញ្ហានេះក៏គួរតែនិយាយគួរតែលើកឡើង ឲ្យបានទូលំទូលាយអំពីគ្រោះថ្នាក់នៃល្បែងស៊ីសងតាម អនឡាញនេះ៕
Daily Program
