មុននឹងសម្រេចចិត្តធ្វើអ្វីសូមថ្លឹងថ្លែងហេតុនិងផល

នៅលើប្រព័ន្ធផ្សព្វផ្សាយសង្គមមានការផ្សព្វផ្សាយជាច្រើនទាំងរឿងបានការនិងរឿងដែលមិនបានការ ដូច្នេះមុននឹងជឿហើយសម្រេចចិត្តធ្វើអ្វីមួយសូមរិះគិតអំពីហេតុនិងផលឲ្យបានគ្រប់ជ្រុងជ្រោយ។

សព្វថ្ងៃនេះនៅលើវេទិកានៃប្រព័ន្ធផ្សព្វផ្សាយសង្គមមានច្រើនក្រុមច្រើនពួក ហើយគ្រប់គ្នាគឺសុទ្ធតែ មានគោលបំណងគ្រប់គ្នា។ ក្រុមដែលព្យាយាមបង្កើតមាតិការនេះមាតិការនោះដើម្បីស្វែងរកចំណូល និងលាភសក្ការៈ ក៏មានក្រុមអ្នកនយោបាយខ្លះចាំឆ្កឹះយកបញ្ហា ហើយក៏មានក្រុមខ្លះចាំការពារចាំបកស្រាយ។​

នេះគឺជាស្ថានការណ៍ពិតប្រាកដនៅលើបណ្តាញសង្គមរបស់យើង ប៉ុន្តែទោះបីជាយ៉ាងណាក៏ដោយមុននឹង ចុច like ឬបញ្ចេញ comment ឫ share សូមរិះគិតមិនមែនឃើញភ្លាមចេញតែចុចនោះឡើយ។ ហើយម្យ៉ាងទៀត រាល់ការបបួលធ្វើនេះធ្វើនោះតាមបណ្តាញសង្គមក៏ត្រូវតែយកចិត្តទុកដាក់ឲ្យបានហ្មត់ចត់​។​

នៅពេលថ្មីៗនេះ នៅលើវេទិកាប្រព័ន្ធផ្សព្វផ្សាយសង្គមក៏មាននិន្នាការនយោបាយជាច្រើន​ ដោយព្យាយាម យកប្រទេសកម្ពុជាទៅផ្សារភ្ជាប់នឹងប្រទេសបង់ក្លាដែសទៅ ផ្សាភ្ជាប់នឹងសភាពការណ៍នេះសភាពការណ៍នោះ។ ហើយក៏មានការព្យាយកយកបញ្ហាផ្សេងៗដោយរួមទាំងគម្រោងកសាងព្រែកជីកហ្វូនតិចជោ  កិច្ចព្រមព្រៀនៃការអភិវឌ្ឈន៍នៅភូមិភាគឥសាន្តក្រោមគម្រោងនៃកិច្ចសហប្រតិបត្តិការរវាងកម្ពុជា វៀតណាម និង ឡាវ។​

ក្រុមអ្នកនយោបាយព្យាយមធ្វើនេះធ្វើនោះ ដោយរូមទាំងការជំរុញឲ្យពលរដ្ឋធ្វើសកម្មភាពខ្លះដែលល្មើស នឹងច្បាប់រហូតដល់មានការចេញសារព្រមានពីប្រធានគណបក្សកាន់អំណាច តាមបណ្តាញសង្គម។

នៅក្នុងស្ថានភាពបែបនេះ សូមថ្លឹងថ្លែងនិងសំយោគរាល់ព័ត៌មានដែលទទួល ឲ្យបានច្បាស់លាស់ ហើយ កុំចេះតែលុះតាមគេញាក់ ក៏ដូចជាកុំខឹងតាមតែគេអុជអាលនិងញុះញង់ សំខាន់បំផុតមុននឹងធ្វើអ្វីក៏ដោយ គឺត្រូវតែពិចារណាឲ្យបានច្បាស់លាស់ ហើយវិភាគឲ្យបានគ្រប់ជ្រុងជ្រោយ កុំអោយតែគេនិយាយស្អីក៏ចេញតែជឿដោយគ្មានហេតុនិងផលច្បាស់លាស់នោះ។

មកដល់ពេលនេះនរណានិយាយអ្វីៗមុននឹងមានការជឿជាក់ហើយសម្រេចចិត្តធ្វើអ្វីមួយសូមកុំធ្វើដោយល្វិតល្ងង់។នៅក្នុងករណីដែលយើងធ្វើទាំងងឹតងងិល យើងនឹងក្លាយគឺជាកូនជឹងរបស់គេ  ប៉ុន្តែប្រសិនបើយើងចេះគិត ចេះថ្លឹងថ្លែង ចេះវិភាគ ចេះព្យាករណ៍នោះយើងមិនងាយស្រួលនៅក្នុងការដែលត្រូវគេបោក ដើម្បីហេតុផលឫចេតនានយោបាយឡើយ។

សរុបមកវិញមុននឹងជឿលើអ្វីមួយសូមមានហេតុមានផល មានការពិគ្រោះមានការពិភាក្សឲ្យបានហ្មត់ចិត្តការធ្វើដោយសតិ ការធ្វើដោយការពិចារណា ការធ្វើដោយសតិសម្បជញៈញាណ គឺរមែងនាំមកនៅ ភាព ជោគជ័យ និង ការសម្រេចចិត្តធ្វើអ្វីមួយដ៏សម្រប។