កាលពីថ្ងៃទី៣១ ខែតុលា ឆ្នាំ២០២៣ ក្រសួងវប្បធម៌និងវិចិត្រសិល្បៈ បានអះអាងថា ទីក្រុងបាត់ដំបងដែលត្រូវបានអង្គការយូណេស្កូចុះក្នុង បណ្តាញទីក្រុងច្នៃប្រឌិត ជាមួយនឹងទីក្រុងផ្សេងៗសរុប៥៤ទីក្រុងនៅលើពិភពលោក ។
នេះគឺជាមោទនភាពមួយថ្មីទៀតរបស់កម្ពុជា ដែលកិច្ចការនេះគឺរាជរដ្ឋាភិបាលកម្ពុជាបានខិតខំធ្វើនិងបំពេញតាំងតែពីខែមិថុនាឆ្នាំ២០២១ មក នៅក្នុងគោលបំណងប្រែក្លាយទីក្រុង បាត់ដំបងឲ្យក្លាយជាគោលដៅនៃការអភិវឌ្ឍន៍ទេសចរណ៍ដ៏មានសក្តានុពលមួយបន្ថែមទៀតសម្រាប់កម្ពុជា ។
តាមការប្រកាសរបស់ក្រសួងវប្បធម៌បានឲ្យដឹងថា ទីក្រុងបាត់ដំបង ត្រូវបានអង្គការយូណេស្កូចុះក្នុង បណ្តាញទីក្រុងច្នៃប្រឌិត ផ្នែកម្ហូបអាហារ (Gastronomy) ដែលនេះសរបញ្ជាក់ថា ទីក្រុងនេះ នឹងក្លាយជាដែនដីនិងជាធនធានដ៏សំបូរបែបមួយ ដែលអាចអោយយកធនធានផ្នែកអាហារនេះដើម្បីទាក់ទាញអ្នកទេសចរបរទេស ។
ក្រៅពីចំណុចខ្លាំងដែលអង្គការយូណេស្កូទទួលចុះបញ្ជីនៅក្នុង បណ្តាញទីក្រុងច្នៃប្រឌិត នេះ បាត់ដំបងមកដល់ពេលនេះត្រូវបានគេដឹងថា គឺជាទីតាំងដែលមានធនធាននិងសក្តានុពលទាំងប្រវត្តសាស្រ្ត វប្បធម៌ ធនធានធម្មជាតិ និង កែច្នៃដ៏ច្រើន ដែលទាំងនេះគឺកំពុងតែ ជំរុញនិងលើកទឹកចិត្តនូវការទាក់ទាញភ្ញៀវទេសចរស្រាប់របស់ខេត្តនេះ ។
ផ្អែកនៅលើសក្តានុពលនេះសូមទាំងអស់គ្នាចូលរួមផ្សព្វផ្សាយ និងជំរុញការទាកទាញទេសចរណ៍ទៅទីក្រុងក៏ដូចជាខេត្តនេះបន្ថែមទៀត ខណៈដែលពេលនេះ ខេត្តនេះក៏មានពលរដ្ឋ និងអ្នកទេសចរចាប់អារម្មណ៍មួយចំនូនដែរហើយ។ ប៉ុន្តែប្រសិនបើយើងទាំងអស់គ្នាជួយបន្តទៀតនោះ យើងខ្ញុំជឿជាក់ថា ភ្ញៀវទេសចរបរទេសនឹងកាន់តែដឹងច្បាស់ហើយស្គាល់ទីតាំងធនធានទេសចរណ៍កាន់តែច្រើននៅក្នុងប្រទេសកម្ពុជា ដែលជាប្រយោជន៍សំខាន់នៅក្នុងការជំរុញសេដ្ឋកិច្ច ។
សូមកុំស្ទាក់ស្ទើរនៅក្នុងការចុចឡាយ និង ចែករំលែក ហើយផ្សព្វផ្សាយអំពីខេត្តមួយនេះ និង ទីតាំងនានានៅទៅទាំងប្រទេស ដែលយើងស្គាល់ ។ ការចូលរួមរបស់យើងទាំងអស់គ្នាគឺសុទ្ធតែមានគុណតម្លៃដល់ការផ្សព្វផ្សាយ អំពីកម្ពុជាយើង ។ កម្ពុជាយើងនៅមានលក្ខណៈ សម្បត្តិ និងគុណសម្បត្តិ ជាច្រើនទៀតដែលសុទ្ធតែជាធនធានដែលមានតម្លៃមិនអាចកាត់ស្មានបានចំពោះកម្ពុជា៕
Daily Program
