GPH ថ្ងៃទី ៣៖ កាឌីណាល់ដាវីដ ជំរុញព្រះសហគមន៍​អាស៊ីឲ្យ «អនុញ្ញាតឲ្យ​ព្រះយេស៊ូគង់​នៅក្នុងយើង និងតាមរយៈយើង»

នៅថ្ងៃទី ២៩ ខែវិច្ឆិកា ឆ្នាំ ២០២៥ ក្នុងអំឡុងពេលនៃ "បូជនីយចរឆ្ពោះទៅក្តីសង្ឃឹមដ៏អស្ចារ្យ" នៅរដ្ឋប៉េណាំង ប្រទេសម៉ាឡេស៊ី កាឌីណាល់ប៉ាប្ល៉ូ វើហ្គីលីយ៉ូ (Pablo Virgilio S. David) ដែលជាអភិបាលនៃកាលូបាន និងជាអនុប្រធាននៃសភាលោកអភិបាលអាស៊ី​ បានថ្លែងសុន្ទរកថាគន្លឹះទៅកាន់ប្រតិភូជាង ៩០០ នាក់ ក្រោមប្រធានបទ៖ «ការរស់នៅ និងការចែករំលែករឿងរ៉ាវរបស់ព្រះយេស៊ូ – ដំណើរឆ្ពោះទៅកាន់ឆ្នាំ ២០៣៣ ក្នុងនាមជាប្រជាជនអាស៊ី»។

ការរកឃើញឡើងវិញនូវការនិទានរឿងជាការហៅ

កាឌីណាល់ដាវីឌ បានអញ្ជើញព្រះសហគមន៍នានានៅអាស៊ីឲ្យនិទានរឿង​ចេញពី​បេះដូងអំពី​ការហៅជា​គ្រីស្តបរិស័ទ ដែល​លោកហៅថាជាមាគ៌ាឆ្ពោះទៅកាន់ឆ្នាំ​មហាករុណាទិគុណ​សម្រាប់​ឆ្នាំ ២០៣៣ (ខួប ២០០០ ឆ្នាំនៃដែល​ព្រះគ្រីស្តយាង​មក​លើ​ផែនដីនេះ)។

គំរូរបស់​ភូមិ​អេម៉ោសក្នុងគម្ពីរ (The Emmaus Paradigm)

លោកកាឌីណាល់​បានផ្ដោត​សំខាន់​លើ​ដំណើររឿង​ក្នុងគម្ពីរ​ស្តីអំពី​ភូមិអេម៉ាអូស​(លូកា ២៤) ដោយស្នើវាជាគំរូសម្រាប់ការចែករំលែកជំនឿ៖

• ព្រះជាម្ចាស់តាមបែប​ជា​ស៊ីណូដាល (Synodal God)៖ ព្រះយេស៊ូដំបូងបាន​បង្ហាញ​ខ្លួន​ ក្នុងនាមជាមនុស្សចម្លែក ដើរជាមួយសាវ័ក​ពីនាក់​ដែល​កំពុង​ធ្លាក់​ទឹកចិត្ត ព្រះអង្គ​ស្ដាប់​រឿងរ៉ាវរបស់ពួកគេ ហើយបន្ទាប់មកទើបនិទានរឿងដដែលនោះឡើងវិញ ដែល​នាំ​ឲ្យគេ​ភ្លឺ​ភ្នែក​ឡើង។ កាឌីណាល់ដាវីឌ បានហៅការណ៍​នេះថា ជាគំរូសម្រាប់មាគ៌ានៃសន្និបាត​។
• ការបាត់ខ្លួន៖ លោកកាឌីណាល់​លើកសំណួរថា «ហេតុអ្វីបានជាព្រះយេស៊ូបាត់ខ្លួន​ទៅវិញ?» ហើយបានផ្ដល់ចម្លើយដ៏មានឥទ្ធិពលថា៖ «ទ្រង់បាត់ទៅវិញ ដើម្បីឲ្យទ្រង់អាចលេចឡើងវិញនៅក្នុងខ្លួន​ពួកសាវ័ក និងតាមរយៈពួកគេវិញ​»។ ការត្រាស់ហៅរបស់គ្រីស្តបរិស័ទ គឺដើម្បីក្លាយជាវត្តមានរបស់ព្រះគ្រីស្តនៅក្នុងពិភពលោក។

ការរស់នៅ និងការចែករំលែករឿងរ៉ាវនៅអាស៊ី

• ការរស់នៅតាមខ្សែរឿង៖ អាស៊ីយល់ថា សេចក្ដីពិតបានមកដល់ក្នុងនាម​ប្រវត្តិសាស្ត្រ​ ដែលត្រូវតែចូលរួម ជាជាងត្រឹមតែជាគំនិត។ ការរស់នៅតាមប្រវត្តិ​រឿងរបស់ព្រះយេស៊ូមានន័យថា ការទទួលស្គាល់ទ្រង់ កំពុងយាងដើរនៅថ្ងៃនេះជាមួយមនុស្សដែលងាយរងគ្រោះបំផុតនៅអាស៊ី គឺអ្នកចំណាកស្រុក ក្រុមគ្រួសារបែកបាក់ យុវជន ជនជាតិដើមភាគតិច និងជនរងគ្រោះដោយជម្លោះ/ភាពក្រីក្រ។
• ការចែករំលែករឿងរ៉ាវ (តាមរបៀបអាស៊ី)៖ ការចែករំលែកដំណឹងល្អនៅអាស៊ីត្រូវតែជា ការនិទានរឿង មិនមែនជាការយកឈ្នះនោះទេ ដោយផ្អែកលើ ការជួបគ្នាដោយទំនាក់ទំនង ការស្ដាប់ជ្រាលជ្រៅ ការនិទានរឿងរួមគ្នា និងការគោរព វប្បធម៌ និងប្រពៃណីសាសនាដទៃទៀត។
• មាគ៌ានេះស្របនឹងមាគ៌ាសន្និបាតរបស់សភាលោកអភិបាល​អាស៊ី​៖ ការចាក់ឫសក្នុង​ជំនឿ ក្នុង​វប្បធម៌ ការកសាងស្ពានជាមួយ​សាសនាដទៃ ការជួបព្រះគ្រីស្តតាមរយៈ​ជនក្រីក្រ និងការថែទាំធម្មជាតិ។

ដំណើរឆ្ពោះទៅឆ្នាំ ២០៣៣

កាឌីណាល់ដាវីឌ បានសន្និដ្ឋានថា បូជនីយចរ​ឆ្ពោះទៅកាន់ឆ្នាំ​ព្រះមហាករុណាទិគុណ​​២០៣៣ គឺជាការប្រារព្ធពិធីនៃរឿងរ៉ាវដែលកំពុងបន្តលាតត្រដាង។ អាស៊ី ដែលសម្បូរទៅដោយរឿងរ៉ាវនៃការតស៊ូ និងបដិសណ្ឋារកិច្ច ត្រូវបានបំពាក់ដោយលក្ខណៈពិសេសដើម្បីអនុញ្ញាតឲ្យព្រះយេស៊ូលេចឡើងវិញតាមរយៈវិធីពិសេសរបស់ខ្លួនក្នុងការប្រកាស​ដំណឹងល្អ ដោយរឿងរ៉ាវអេម៉ោអូស ជា​និមិត្តរូបដ៏ស្ថិតស្ថេរនៃសេចក្ដីសង្ឃឹម។